Elordada «Astanabike» jaldamaly velosıpedteriniń sany 5 esege arttyrylady

ASTANA. QazAqparat - «Samuryq-Qazyna» Ulttyq ál-aýqat qory bıyl elordada «Astanabike» veloprokat jobasyn keńeıtýdi josparlaýda. Bul týraly atalǵan qordyń baspasóz qyzmeti habarlady.

«Astanabike» áleýmettik jobasy bıyl da óziniń jalǵasyn tabady. «Samuryq-Qazyna» Ulttyq ál-aýqat qory jobany damytý jóninde sheshim qabyldady jáne bıyl velosıpedterdiń sanyn 1000-ǵa, stansalardyń sanyn 150-ge arttyrýdy kózdeýde. 2014 jyly stansalardyń sany - 40, velosıpedterdiń sany - 200 dana ǵana bolatyn. Ornatylǵan jańa stansalardy velobike.kz saıty arqyly nemese Facebook, Instagram, Vkontakte áleýmettik jelilerindegi resmı paraqshalardan kórýge bolady.

Júıeni paıdalanǵanǵa jeńil etý úshin tólemdi ınternet arqyly onlaın rejımde jáne Halyk Bank-tiń mobıldi bankıngi arqyly júrgizýge bolady. Sondaı-aq tutynýshylar Android pen IOS bazasynda jasalǵan arnaıy qosymshalar negizinde stansalarda velosıpedterdiń sanyn kóre alady.