Elordada «Astana Zdorovie 2013» atty halyqaralyq kórme ótedi
ASTANA. 22 qazan. QazAqparat - Astanada, 22-24 qazanda densaýlyq saqtaý salasyndaǵy 10-shy «Astana Zdorovie 2013» qazaqstandyq halyqaralyq kórme ótedi. Bul týraly astana.kz saıtyna «Kórme» ortalyǵynyń baspasóz qyzmetinen habarlady.
Basty medıtsınalyq kórmege zerthanalyq, dıagnostıkalyq qural-jabdyqtar, dári-dármekter, arnaıy aspaptar, medıtsınalyq maqsattaǵy buıymdar, kıim-keshekter, ortopedııa jáne reabılıtatsııa, optıka jáne oftalmologııa qondyrǵylary qoıylady. Sonymen qatar, aýrýhanalar, medıtsına jáne stomatologııa ortalyqtary men jedel járdem óz ónimderin tanystyratyn bolady.
Aıta keteıik, kórme 9 jyldan beri ótkizilip keledi. «Astana Zdorovie» kórmesi medıtsınanyń aldyna qoıǵan ózekti mindetterin ashyq talqylaý úshin dárigerlerdi, kásipkerlerdi jáne saıasatkerlerdi biriktiretin biryńǵaı kommýnıkatıvtik alań bolyp tabylady. Bul medıtsına salasyndaǵy aıtýly oqıǵa.
Jyl saıyn myńdaǵan maman jańa tehnologııalarmen jáne jobalarmen tanysyp, iskerlik áriptestik qurady, tájirıbelerimen bólisedi.
Budan basqa, kórme aıasynda «AMF 2013» І Astana medıtsınalyq forým-konferentsııa ótkizý kózdelgen.
