Elordada Astana Womens tennıs týrnıri ótedi
ASTANA. 26 naýryz. QazAqparat - Elordada 28 naýryz ben 3 sáýir aralyǵynda Ulttyq tennıs ortalyǵynda Halyqaralyq tennıs federatsııasynyń (ITF) áıelder arasynda Astana Womens tennıs jarysy ótedi.
Dodaǵa Ózbekstan, Reseı, Qyrǵyzstan, Belarýs, Ýkraına, Túrikmenstan jáne Slovakııa elderiniń kásibı tennısshileri qatysady. Syılyq kólemi 10 myń AQSh dollaryna para-par jarysta Qazaqstannyń jas juldyzdary Zalına Haırýtdınova men Kámıla Kerimbaeva óner kórsetedi.
Atalmysh týrnır jas tennısshilerge álemdik kásibı týrlarda reıtingtik upaılar alýǵa múmkindik beredi. Sondaı-aq sportshy qyzdardyń sheberlikterin shyńdaýda óte mańyzdy ról atqarady. Jarys jabyq korttarda, jekeleı jáne juptyq kezdesýler boıynsha ótedi.
