Elordada Astana Sýretshileri odaǵy uıymdastyrǵan «Jibek joly» kórmesi ashyldy
STANA. Tamyzdyń 6-sy. QazAqparat /Gúlmıra Álıakparova/ - Búgin elordadaǵy «Saryarqa» saýda ortalyǵynda Astana Sýretshileri odaǵymen uıymdastyrylǵan «Jibek joly» atty kórme ashyldy.
«Ótken shilde aıynyń 4-i kúni Astana qalasynyń Sýretshiler odaǵy janynan "Jas sýretshiler odaǵy" quryldy. Onda jas sýretshiler belgili sýretshi Kamıl Mýllashevtyń tóraǵalyq etýindegi qazylar alqasynyń aldynda emtıhan tapsyrdy. Qazylar alqasy árbir qatysýshynyń týyndysyna jeke-jeke baǵa berip, nátıjesinde 17 jasqa «Jas sýretshiler odaǵyna» múshelikke joldama berdi. Búgingi kórmege sol jas sýretshiler men kásibı sheberlerdiń qolynan shyqqan barlyǵy 200 týyndy men 20-ǵa jýyq músin qoıyldy», - dep atap ótti kórmeni uıymdastyrýshy, sýretshi Gúlmıra Telǵozıeva.
Kórmeden, D.Moldahmetovanyń, B.Ásemquldyń, B.Áripovtyń, L.Natalıanyń, A.Aıtqojınanyń, G.Telǵozıevanyń, S.Muhamedıevanyń, Á.Sápıevtyń, M.Toqsaıtovtyń jáne taǵy basqalardyń shyǵarmalaryn kórýge bolady.
Kórme qyrkúıek aıynyń sońyna deıin jalǵasady.
