Elordada «Astana Piano Passion» jas pıanıster baıqaýy ashyldy
ASTANA. QazAqparat - Elordada «Astana Piano Passion» ekinshi halyqaralyq klassıkalyq mýzyka festıvali jáne jas pıanıster baıqaýynyń ashylý saltanaty ótti. Mýzykalyq joba aıasynda halyq úzdik mýzykanttardyń kontsertterin tamashalaýǵa múmkindik almaq, dep habarlaıdy Astana qalasy ákimi apparatynyń baspasóz qyzmetinen.
Ashylý saltanatynda sóz alǵan Astana qalasynyń ákimi Imanǵalı Tasmaǵambetov: «Astana Piano Passion» ekinshi halyqaralyq klassıkalyq mýzyka festıvali jáne jas pıanıster baıqaýynda sizderdi kórip otyrǵanyma óte qýanyshtymyn. Ótken jyly bul baıqaý tań qaldyrarlyq dárejede qatysýshylar jınap, klassıkalyq mýzykaǵa beıjaı qaramaıtyn álemniń barlyq ónerli órenderin shaqyrdy. «Astana Piano Passion» óner keńistiginde jastardyń juldyzyn jaǵyp, olar on shaqty kontsert berip, álemniń túrli sahnalarynda óner kórsetip úlgergendigi kóńil qýantady. Minekeı, sol ýaqyttan beri biz jas órenderdiń ónerlerin tamashalap, qazaqtyń jáne álem klassıkteriniń shyǵarmalaryn tyńdaýdamyz, bul - jylda kishkentaı ónerli jastardyń talanttaryn shyńdap, ónerge keńinen qanat qaqtyrýǵa úlken múmkindik dep bilemin», - dep atap ótti. Osymen ekinshi jyl uıymdastyrylyp otyrǵan klassıkalyq mýzyka dodasy byltyrǵydan da erekshe bolmaq. 10 mamyr kúni «Astana Piano Passion-2013» laýreattar kontserti ótse, 12 mamyrda E.Mechetınanyń keshi, 13 mamyr kúni Denıs Matsýevtiń jáne jartylaı fınalǵa ótken ónerpazdardyń keshi, 16-mamyr halyqaralyq óner saıysynyń saltanatty jabylý rásimi ótpek. Budan bólek, jas daryndar men olardyń oqytýshylaryna erekshe sheberlik saǵattary ótkiziledi. Atap aıtsaq, 13 mamyrda Mıshel Beroff (Frantsııa) jáne Hıýng-Djýn Changtiń (Ońtústik Koreıa) sheberlik synyptary, 14 mamyrda elimizdiń mýzyka ustazdary men qazylar alqasynyń qatysýymen dóńgelek ústel uıymdastyrylady. Bıylǵy jyldyń ereksheligi - ǵalamtor arqyly daýys berý múmkindiginiń týǵany. ıAǵnı, kez-kelgen nıetti adam astana-app.kz. saıtyna kirip, daryndardyń dara shabysyna daýys bere alady. Sonyń nátıjesinde kórermen kózaıymyn anyqtaýǵa bolady. Atalmysh óner báıgesi jas daryndardyń shyǵarmashylyǵyn shyńdap qana qoımaı, halyqaralyq baılanys ornatyp, úzeńgilesteriniń qadam alysyn baqylaýǵa múmkindik beredi. Sonymen qatar, elimizdiń kompozıtorlarynyń tyń týyndylaryn nasıhattaıdy. Esterińizge salaıyq, atalmysh pıanıster baıqaýy álemniń ózge elderiniń de qyzyǵýshylyǵyn týǵyzǵan edi. 130 jas daryn qanat qaqqan alǵashqy halyqarylyq baıqaýda 20 eldiń 60 qalasynan úmitkerler qatysqan bolatyn.
