Elordada Astana Open ATP 250 týrnıriniń jerebesi tartyldy

Elordada 26 qazan – 3 qazan aralyǵynda ótetin Astana Open ATP 250 týrnıriniń jerebesi tartylyp, qazaqstandyq tennısshilerdiń qarsylastary anyqtaldy, dep habarlaıdy QazAqparat tilshisi.

Qazaqstannyń birinshi raketkasy Aleksandr Býblık jarysty ekinshi aınalymnan bastaıdy.

A.Býblık majarstandyq Marton Fýchovıch nemese aýstrııalyq Sebastıan Ofnerdiń bireýimen kezdesedi.

Mıhaıl Kýkýshkınniń alǵashqy qarsylasy – portýgalııalyq Nýný Borgesh.

Dodanyń birinshi raketkasy bolyp tirkelgen nıderlandylyq Tallon Grıkspýr birden ekinshi aınalym matchyn ótkizedi. Dodanyń ekinshi raketkasy – argentınalyq Sebastıan Baes. Sondaı-aq tańdaýlylar qatarynda chehııalyq Irjı Lehechka (4), amerıkalyq Sebastıan Korda (5), frantsııalyq Adrıan Mannarıno (6), serbııalyq Laslo Djere (7), shveıtsarııalyq Sten Vavrınka (8) jáne basqalar bar.

«Ótken jyly Astanada ATR 500 týrnıriniń joǵary deńgeıde uıymdastyrylǵany týraly tennısshilerden kóp estidim. Munda bári unaıdy. Ózimniń úzdik ónerimdi kórsetý úshin barymdy salamyn», dedi Irjı Lehechka.

Eske sala keteıik, budan buryn qazaqstandyq tennısshilerdiń Azııa oıyndaryn sátti bastaǵanyn jazǵan edik.

Sondaı-aq Elena Rybakına Tokıo WTA 500 týrnırinen nege bas tartqanyn túsindirdi.