Elordada «Astana Mıýzıkl» teatry ashylady - A. Muhamedıuly
«Barsha álemdegi mýzyka ónerinde bar ári qajetti baǵyttardyń biri mıýzıkl bolyp tabylady. Elordanyń mádenı áleýetin arttyrý men teatr qyzmetiniń janrlyq alýan túrliligin keńeıtý maqsatynda otandyq «Astana Mıýzıkl» teatryn qurý boıynsha sharalar qarastyrylýda. Ol bolashaqta flagmandyq jobalar úshin tıisti alań bolýy múmkin», - dedi mınıstr.
Sonymen qatar, A. Muhamedıuly Elbasy N. Á. Nazarbaev usynǵan «Bolashaǵy birtutas ult» ınstıtýttyq reformasy, «Memlekettik qurylystyń 100 naqty qadamy» mádenıet salasyn damytýǵa barynsha yqpal jasap otyrǵandyǵyn atap ótti.
«Mádenıet ulttyq birtektilik negizderin jasap, adam kapıtalyn qalyptastyrýdyń ózegine aınalyp otyr. Bul ustanym osy salany damytýdyń uzaq merzimdi baǵytyn aıqyndaıtyn "Qazaqstan Respýblıkasynyń mádenı saıasatynyń tujyrymdamasynda" aıtylǵan», - dedi mınıstr.
