Elordada «Astana qyrany» týrnıriniń jeńimpazdary anyqtaldy
ASTANA. QazAqparat - Elordada «Astana qyrany» týrnıriniń jeńimpazdary anyqtaldy. Saıys jeńimpazdary aldaǵy ýaqytta «Qazaqstan barysy» V respýblıkalyq týrnırinde elordanyń namysyn qorǵaıtyn bolady.
Іrikteý kezeńinde eń myqty palýan ataǵy úshin 20-dan astam sportshy kúsh synasty. Búgingi tańda atalǵan ulttyq sport túri jastar arasynda úlken qyzyǵýshylyq týǵyzýda.
«Qazaq kúresi baǵzy zamannan ulttyq sportymyz bolyp tabylady. Sońǵy jyldary Memleket basshysynyń syılyǵy taǵaıyndalǵan «Qazaqstan barysy» týrnıri qazaq kúresiniń damýyna úlken septigin tıgizdi. Qazaq handyǵynyń 550 jyldyǵy qarsańynda ulttyq sport túrlerin jańǵyrtý aýadaı qajet», - dedi QR Sport jáne dene shynyqtyrý isteri komıtetiniń tóraǵasy Elsııar Qanaǵatov.
Jarys qorytyndysy boıynsha, 1 oryn - Seıdalıev Ǵanıge, 2 oryn - Aıbat Seıtenge, al júldeli 3 oryn - Aıtýar Abdýlovqa buıyrdy.
Eske sala keteıik, «Qazaqstan barysy» V respýblıkalyq týrnıri Astana kúni qarsańynda, mamyrdyń 5 kúni «Saryarqa» velotreginde ótedi.
Bul týraly Astana ákimdiginiń resmı saıty málimdedi.
