Elordada «Astana qyrany» irikteý saıysy ótedi
ASTANA. QazAqparat - 15-16 mamyr kúnderi Astanadaǵy «Qazaqstan» sport kesheninde Qazaqstan Respýblıkasynyń Prezıdenti N.Á. Nazarbaevtyń júldesi úshin qazaq kúresinen «Qazaqstan barysy» respýblıkalyq týrnırine «Astana qyrany» irikteý saıysy ótkiziledi. Bul týrnırge tek qana Astana qalasy aımaǵynan sportshylar qatysatyn bolady.
15 mamyr kúni saǵat 15-00-den 19-00-ge deıin qazaq kúresiniń palýandary salmaq ólsheýden ótedi. Jarysqa daıyndalady.
16 mamyr kúni saǵat 10:00-da jarys bastalady. 15:00-de jarys saltanatty túrde ashylady. Bul týrnırge tek qana Astana qalasynyń sportshylary qatysady. Osy jarysta top jaryp, jeńis tuǵyrynan kóringen sportshylar «Qazaqstan barysy» týrnırinde baq synaıdy. Bul týraly QR Qazaq kúresi federatsııasynan habarlady.
