Elordada «Astana qurdastary» atty ekinshi qalalyq bal ótedi

Dástúr boıynsha keshke oqýshylar - Astananyń qurdastary qatysady, dep habarlanǵan elorda ákimdiginiń saıtynda. Atalǵan baıqaýǵa qatysýǵa elordanyń 25 mektebi ótinish berdi. Qoıylǵan talaptarǵa sáıkes mektepterdiń árqaısysy baıqaýǵa qatysatyn bir jup - qyz ben er balany jáne olarǵa qosylyp bıleıtin 2-3 jupty daıyndaıdy. «Baldyń birinshi kezeńinen ótý úshin qosylyp bıleıtin balalarmen birge úı tapsyrmasy retinde horeografııalyq kompozıtsııa: vals, polonez nemese mazýrka daıyndaıdy. «Aqyldylar» atty ekinshi kezeńde qatysýshylarǵa qosymsha tapsyrmalar beriledi, olar ózderiniń bilimderin kórsetedi. Al «Bal hanzadasy men hanshaıymy» ataǵyna úmitkerler baldyq bı óneriniń qyr-syryn meńgerip, úsh kezeńnen súrinbeı ótýleri tıis», - dedi Oqýshylar saraıynyń qyzmetkerleri. Bal erejesine sáıkes, bıshiler kıim úlgilerin qatań saqtaý kerek, qyz balalar aq kóılekpen kelse, uldar smokıng kıedi. Aıta keteıik, shara 25 sáýirde saǵat 15.00-de bastalyp, 5 shildede Oqýshylar saraıy alańynda saltanatty rásimmen aıaqtalady.