Elordada Astana kúnine arnalǵan buqaralyq velojarysqa 3 myńnan astam adam qatysty (FOTO)
ASTANA. QazAqparat - Búgin elordada Astana kúni merekesi aıasynda buqaralyq velojarys ótti. Marafonǵa «Astana» velokomandasynyń belgili sportshylary, estrada juldyzdary, mádenıet qaıratkerleri, qoǵamdyq uıymdar ókilderi, qala turǵyndary men qonaqtary qatysty.
Velomarafon 4600 metr qashyqtyqqa sozyldy. Qatysýshylar marafondy «Saltanat saraıy» ǵımaratynyń aldynan bastap, «Astana-Arena» stadıonynyń aldynda márege jetti.
«Búgin kúni qalamyzda velosport óte tanymal sport túrine aınaldy. Sharaǵa 3 myńnan astam adam qatysty. Aıta ketkim keledi, búginde barlyq sport túrleri Memleket basshysynyń qoldaýynyń arqasynda qarqyndy damyp keledi. Alda kele jatqan Elorla kúnimen barlyqtaryńyzdy qala ákiminiń atynan quttyqtaımyn», - dedi sharaǵa qatysýshylarly kútip alǵan Astana ákiminiń orynbasary Ermek Amanshaev.
Osydan keıin máre syzyǵyn birinshi bolyp kesip ótken qatysýshylarǵa velosıped, noýtbýk jáne teledıdar syndy baǵaly syılyqtar tabys etildi. Velojarystyń eń jas qatysýshysy úsh jasar Alına Álıqyzy bolsa, eń eresek qatysýshy 68 jastaǵy Jaqsybaı Aıymbetov boldy.
Velosport - Astanada eń qarqyndy damyǵan sport túrleriniń biri. Atap óteıik, búginde «Astana» velokomandasy tek elordanyń emes, búkil Qazaqstannyń atyn álemge tanytyp júrgen brendke aınaldy. Bul sportqa degen qyzyǵýshylyqtyń artýyn eskere otyryp, Astana kúnin toılaý aıasynda jyl saıyn buqaralyq velosaıys uıymdastyrý uıǵarylǵan bolatyn.
