Elordada Astana kúni 79 sábı dúnıege keldi
ASTANA. QazAqparat - Astana kúni aıasynda elordada 100-den astam merekelik shara ótti. Dástúrli merekelik baǵdarlamalardan bólek qala turǵyndary men qonaqtary jaýyngerlik óner festıvalin, úrmeli aspaptar orkestrleri festıvalin, ıllıýzıonıster shoýy men «Nurly Esil» lazerlik-pırotehnıkalyq shoýyn tamashalady.
Qala kóshelerinde etnoaýyldar men ZD qalashyqtar tigilip, Esil ózeniniń jaǵalaýynda túrli ulttardyń mádenıetimen tanysýǵa múmkindik boldy. Astana aspanynda júzdegen shar men batpyraýyq qalyqtap, saıabaqtarda aýqymdy festıvaldar men halyqtyq serýen ótti.
Astana qalasy Densaýlyq saqtaý basqarmasynyń habarlaýynsha, bıyl Astana kúninde elordada 79 sábı dúnıe esigin ashty, sonyń ishinde 28 qyz, 51 ul. Aıta keteıik, byltyr osy kúni 61 sábı: 33 ul jáne 28 qyz týǵan bolatyn, dep jazady elorda ákimdiginiń resmı saıty.
2015 jylǵy 1 mamyrdaǵy jaǵdaı boıynsha, Astana qalasy turǵyndarynyń sany 860368 adamdy qurady, onyń ishinde «Almaty» aýdany boıynsha - 380449 (44,2%), «Esil» aýdanynda - 130669 (15,2%), «Saryarqa» aýdanynda - 349250 (40,6%) adam.
