Elordada «Astana keshteri» ІІІ halyqaralyq óner festıvali ótedi
ASTANA. QazAqparat - Elordada 20-22 maýsym kúnderi «Astana keshteri » ІІІ halyqaralyq óner festıvali ótedi. Bul týraly «Degdar» gýmanıtarlyq qorynyń baspasóz qyzmeti habarlady.
Festıval «Degdar» gýmanıtarlyq qorynyń qamqorlyq jónindegi tóraıymy Darıǵa Nazarbaevanyń uıymdastyrýshylyǵymen jáne jetekshiligimen ótkizilip otyr. Joba aıasynda Qazaqstan, Reseı, Ázerbaıjan men Italııanyń ataqty oryndaýshylarynyń qatysýymen 5 kontsert bolady. Kontserttiń bári de live formatynda ótedi.
Qaıyrymdylyq jobasy bolǵandyqtan, kommertsııalyq eshteńe joq, sondyqtan da bıletter tegin beriledi. Festıval uıymdastyrýshylarynyń maqsaty - áleýmettik jaǵdaıy ártúrli jurtshylyqtyń basyn mýzyka áleminde túıistirý.
Budan buryn ótken osyndaı eki festıval kórermen tarapynan ystyq yqylasqa bólengen bolatyn. Sondaǵy kontserttiń bárin áıgili mýzykatanýshy Svıatoslav Belza júrgizgen edi. Festıvaldiń bir kontsertine Memleket basshysy N.Á.Nazarbaev kelip, tamashalady.
Qazirgi joba aýqymy jaǵynan keń jáne aýyz toltyryp aıtarlyqtaı jetistikterge jetýdi kózdep otyr. Kontsertter Beıbitishilik pen kelisim saraıynda jáne «Astana Opera» teatrynyń kameralyq zalynda bolmaq.
