Elordada Astana Hub tehnoparkiniń múmkindikteri tanystyryldy
Sharaǵa Qazaqstan Respýblıkasy Premer-Mınıstriniń orynbasary Asqar Jumaǵalıev, Aqparat jáne kommýnıkatsııalar mınıstri Dáýren Abaev, bıznes-birlestikterdiń ókilderi men startaperler, ІT-mamandar qatysty. Jıynda sóz sóılegen Aqparat jáne kommýnıkatsııa mınıstri Hab ıdeıasyna jáne startaperlerdiń jobalarynyń ınvestıtsııasyna senim bildirgen ınvestorlarǵa alǵysyn bildirdi.
«Jobanyń bastalýymen biz Memleket basshysynyń basty tapsyrmalarynyń biri - Qazaqstandy tsıfrlyq sheshimderdiń ortalyǵyna aınaldyra alamyz», - dedi Dáýren Abaev.
Astana Hub-tyń áleýetin tanystyrý tehnoparktiń negizgi baǵyttaryn tanystyrý jáne ІT-birlestikterdiń ókilderimen yntymaqtastyq úshin múmkindikterdi aıqyndaý maqsatynda júrgizildi.
Shara aıasynda paneldik otyrys uıymdastyrylyp, onda tabysty startaptardyń negizin qalaýshylar men jetekshi halyqaralyq sarapshylar startaptardy qurýdaǵy jáne ınnovatsııalyq ekojúıeni damytýdaǵy jeke tájirıbelerimen bólisti. Paneldik talqylaýda spıker retinde Kremnıı shatqalynan kelgen serııalyq kásipker ári Startup Genome-niń negizin qalaýshy Mark Penzel, iri meımandarǵa arnalǵan Couchsurfing International jelisiniń ІT-dırektory ári teń quryltaıshysy Keısı Fenton, Tech City UK halyqaralyq konsaltıng basshysy Stefan Kıýster qatysty.
Tanystyrylym sońynda jyl saıynǵy «Eýrazııalyq tsıfrlyq alań» ınnovatsııalyq jobalary halyqaralyq baıqaýynyń jeńimpazdaryn marapattaý rásimi bolyp ótti. Saıystyń maqsaty - EAEO ıntegratsııalanǵan aqparattyq júıelerdiń damýyna aıtarlyqtaı úles qosý bolyp tabylady. Qazaqstandyq jartylaı fınaldyń jeńimpazdary:
- Apilog.kz (aýyr júk tasymalyn, logıstıkany, transhekaralyq saýdany tsıfrlandyrý),
- «Memlekettik satyp alýdaǵy táýekelderdi anyqtaý» (memlekettik satyp alýlardy resimdeý, tólem júrgizý, josparlaý kezindegi ekonomıkalyq jáne paraqorlyq táýekelderin anyqtaý júıesi),
- Smart Satu (dıstrıbıýtorlar men saýda núkteleri, óndirýshiler úshin b2b-alańy),
- «Masha men Aıý»: Birge as ázirleımiz» (balalardy aspazdyqqa úıretetin oıyn).
Sondaı-aq, tehnoparktiń sahnasynda robototehnıka boıynsha oqýshylar arasyndaǵy respýblıkalyq baıqaýdyń fınalısteri marapattaldy. Astana Hub tehnoparkiniń múmkindikteriniń tanystyrylymy aıasynda sharalardyń sońyn sheberlik saǵaty, Keısı Fentonǵa qoıylǵan suraqtar men berilgen jaýaptar túıindedi.