Elordada Astana Half Marathon aıasynda qandaı kósheler jabylady
ASTANA. KAZINFORM — Elordada 7 maýsym kúni mereıtoılyq Astana Half Marathon jarysy ótedi.
Oǵan álemniń 30-dan astam elinen shamamen 7 myń júgirýshi qatysady. Osyǵan baılanysty qala kósheleriniń birqatarynda kólik qozǵalysyna ýaqytsha shekteý engiziledi.
6 maýsym kúni saǵat 06:00-den 7 maýsym saǵat 18:00-ge deıin Táýelsizdik dańǵylynyń J. Nájimedenov kóshesinen A. Baıtursynuly kóshesine deıingi bóliginde qozǵalys ishinara shekteledi.
Jarys ótetin 7 maýsym kúni myna ýchaskelerde kólik qozǵalysy ýaqytsha toqtatylady:
• Saraıshyq kóshesi (R. Qoshqarbaev dańǵylynan Aqmeshit kóshesine deıin) – saǵat 06:00-den 07:30-ǵa deıin;
• D. Qonaev kóshesi (Aqmeshit kóshesinen «Qazaq radıosy» kóshesine deıin) – saǵat 06:10-nan 06:50-ge deıin;
• «Qazaq radıosy» kóshesi (D. Qonaev kóshesinen Dostyq kóshesine deıin) – saǵat 06:10-nan 06:50-ge deıin;
• Dostyq kóshesi («Qazaq radıosy» kóshesinen Aqmeshit kóshesine deıin) – saǵat 06:10-nan 06:50-ge deıin;
• Aqmeshit kóshesi (Saraıshyq kóshesinen Kereı, Jánibek handar kóshesine deıin) – saǵat 06:10-nan 08:10-ǵa deıin;
• Aqmeshit kóshesi (Buqar jyraý kóshesinen Túrkistan kóshesine deıin, EXPO halyqaralyq kórme ortalyǵy mańynda) – saǵat 06:30-dan 07:25-ke deıin;
• Túrkistan kóshesi (Aqmeshit kóshesinen Kereı, Jánibek handar kóshesine deıin) – saǵat 06:35-ten 08:15-ke deıin;
• Túrkistan kóshesi (Kereı, Jánibek handar kóshesinen Syǵanaq kóshesine deıin) – saǵat 06:45-ten 08:20-ǵa deıin;
• Syǵanaq kóshesi (Túrkistan kóshesinen I. Panfılov kóshesine deıin) – saǵat 06:48-den 08:40-qa deıin;
• I. Panfılov kóshesi (Sh. Qaldaıaqov kóshesinen Táýelsizdik dańǵylyna deıin) – saǵat 07:00-den 08:45-ke deıin;
• J. Nájimedenov kóshesi (Sh. Qaldaıaqov kóshesinen Táýelsizdik dańǵylyna deıin) – saǵat 07:14-ten 08:45-ke deıin;
• Táýelsizdik dańǵyly (I. Panfılov kóshesinen J. Nájimedenov kóshesine deıin) – saǵat 07:00-den 08:55-ke deıin.
Kósheler jarysqa qatysýshylardyń ótýine qaraı kezeń-kezeńimen ashylady. Kólik qozǵalysy tolyqtaı saǵat 09:00-ge deıin qalpyna keltiriledi.
Elorda turǵyndary men qonaqtary baǵytyn aldyn ala josparlap, ýaqytsha ózgeristerdi eskerýi qajet.
