Elordada «Astana balalary» fotobaıqaý-kórmesi ashyldy

«Atalmysh shara alǵash ret Astananyń 15 jyldyǵyn toılaý qarsańynda qala ákimdiginiń, Túrik Respýblıkasy Elshiliginiń ıÝnýs Emre atyndaǵy Túrik mádenıet ortalyǵy, Frantsııa Respýblıkasy Elshiligi Astana qalasynyń Frantsýz Alıansy, Koreı Respýblıkasy Elshiliginiń mádenıet ortalyǵymen uıymdastyrylyp otyr.

Qalaǵa degen súıispenshiligimizdi, elder arasyndaǵy mádenı almasýdy keńeıtý, qarqyndy damyp kele jatqan qalanyń sımvoly retinde elorda balalaryn tanytý maqsatynda fotobaıqaý men kórme ótkizetindigimizdi jarııalaǵan bolatynbyz. Qatysýshylardyń jalpy sany 120 adamdy qurady jáne 300 den astam sýretter qabyldandy. Fotobaıqaýdyń kásibı sarapshy ádilqazylary 300 sýrettiń eń jaqsy degen 40 sýretin tańdap aldy. Búgin, fotokórmeniń ashylý kúni tańdamaly 40 sýrettiń ishinen gran-prı, birinshi oryn, 2 ekinshi oryn, 2 úshinshi oryn, sondaı-aq tórt yntalandyrý syılyqtary jarııalandy», - dep atap ótti sharany qorytyndylaýǵa arnalǵan saltanatty sharada Astana qalasy Bilim basqarmasynyń bastyǵy Ásıma Bımendına.

Is-shara sheńberinde elshilikterdiń mádenıet ortalyqtarymen kontserttik baǵdarlama uıymdastyryldy

Jańa Oqýshylar saraıynda ashylǵan «Astana balalary» atty fotokórme 28 maýsym men 14 shilde aralyǵynda jalǵasady.