Elordada «Astana» balalar ánderi ekinshi raıofestıvaliniń gala-kontserti ótti

«Astana» radıosynyń uıymdastyrýymen aǵymdaǵy jyly naýryzdyń 22-inde bastalǵan konkýrsqa qatysýshylar ár juma saıyn efır arqyly óz ónerlerin tyńdarmandarǵa pash etken bolatyn. Jeńimpazdary uıaly telefonnyń sms-daýys berý júıesi arqyly anyqtalǵan mádenı sharanyń gala-kontsertine 4 pen 16 jas aralyǵyndaǵy 20-dan astam bala qatysyp, óz ónerlerin ortaǵa saldy.

«Astana» radıofestıvaliniń dırektory Álııa Ahmetova barlyq balalardyń óz dárejelerine saı talanty ári óneri boldy degen pikirin alǵa tartady. «BAQ-tarda balalar shyǵarmashylyǵyn nasıhattaý tek tanymal mýzykalar ǵana zamanaýı efırdi toltyryp otyrǵan kezde óte ózekti», deıdi ol.

Joba aıasynda patrıottyq jáne halyq ánderi qazaq, orys jáne aǵylshyn tilderinde shyrqaldy. Astana qalasynyń, Aqmola men Qaraǵandy oblystarynyń jas órenderi qatysqan sharaǵa arnaıy kelgen qazaq estradasynyń juldyzdary Dos pen «Ne vse skazano» toby óz repertýarlarynda oryn alǵan ánderdi shyrqady.

Gala-kontserttiń sońynda uıaly telefonnyń sms-daýys berý júıesi arqyly anyqtalǵan festıvaldiń jeńimpazy jarııalandy. Sonymen «Astana» balalar ánderi ekinshi raıofestıvaliniń gran-prıi Káýsar Ótepbaevaǵa buıyrdy. Al joǵary jáne kish toptar boıynsha birinshi oryndardy 12 jastaǵy Temirlan Toqtarov pen 10 jasar Aınur Imanqulova enshiledi. Sonymen qatar barlyq qatysýshylar yntalandyrý syılyqtaryna ıe bolyp, arnaıy dıplomdarmen marapattaldy jáne «Jas Otan» jastar qanaty taǵaıyndaǵan syılyqtar tabys etildi.