Elordada «Astana Arýy» baıqaýy ótip jatyr

Nur-Sultan qalasynyń basty arýy tıtýlyna 19-24 jas aralyǵyndaǵy 583 boıjetken úmitti bolyp, fınalǵa 19 qyz irikteldi.

«Baıqaýǵa qatysýshy bolýdan góri, ádilqazy bolǵan qıynyraq eken. Laıyqty arý jeńimpaz bolady dep oılaımyn. Bul baıqaýda arýlardyń sulýlyǵy ǵana emes, aqyly, bilimi, parasaty, óneri de synǵa túsedi», - deıdi «Astana Arýy - 2018» baıqaýynyń jeńimpazy Erkenaz Seıfýlla.

Osy jyly sulýlyq baıqaýy «Eriktiler jyly» aıasynda ótip jatyr. Uıymdastyrýshylar jobaǵa qatysýshylar úshin mazmundy baǵdarlama daıyndaǵan. Máselen, saıystyń fınalyna shyqqan arýlar qaıyrymdylyq aktsııalaryna qatysty.

Qaıyrymdylyq aktsııalarynyń biri - «28 ilmek» qoǵamdyq qoryna praktıkalyq kómek kórsetý boldy. Qor shala týǵan sábılerge qoldaý kórsetedi. Mundaı jaǵdaıda aman qalý óte qıyn, sábıge shyn máninde jylý qajet.

«Seniń qolyńda alaqandaı sábıdiń taǵdyry bar ekenin bilý - úlken jaýapkershilik. Men munda óz qolymmen kıim-keshek toqý úshin qajettiniń bárin alyp keldim. Sábılerdi kórgen kezde erekshe tolqyp, tipti qoldarym dirildedi. Bastysy, shulyqty úlken mahabbatpen toqydym», - deıdi «Mıss Astana» baıqaýynyń qatysýshysy Aıym Imasheva.

Foto: www.instagram.com/misskazakhstan_official