Elordada Astana Art Fair 2025 zamanaýı óner kórme-jármeńkesi ótedi
ASTANA. KAZINFORM — Astanada 24-26 qazan aralyǵynda Astana Art Fair halyqaralyq zamanaýı óner kórme-jármeńkesi ótedi, dep habarlaıdy qalalyq ákimdiktiń resmı saıty.
Astana Art Fair mádenı bastamasy kreatıvti ekonomıka men art-naryqty damytýǵa, sondaı-aq jastardyń jahandyq ıdeıalar men kórkemdik tájirıbeler almasýǵa degen qyzyǵýshylyǵyn arttyrýǵa yqpal etedi.
Bıyl qalalyq ákimdiktiń qoldaýymen Urpaq birlestigi uıymdastyrǵan is-shara «Bolashaqtyń tamyrlary»/ Future Roots/«Kornı býdýşego» taqyrybynda ótedi.
Taqyryp jańa mádenı ımpýlstar týatyn jáne bolashaqtyń baǵdarlary qalyptasatyn bastaýlar ıdeıasyna júginedi. Astana jańa maǵynalar men kontekstter qurýǵa baǵyttalǵan jergilikti jáne jahandyq bastamalardyń jańa mádenı habyna aınalýy múmkin.
Galereıaǵa qatysýshylar qatarynda Ortalyq Azııa, Reseı jáne Qytaı elderiniń tanymal avtorlary men jańa esimderi bar, olar sarapshylar tańdaǵan 200-den astam týyndysyn usynady. Onyń ishinde keskindeme, ınstallıatsııalar, NFT jáne art-vıdeolar bar.
Balalar men eresekterge arnalǵan dárister qamtylǵan kópshilik baǵdarlamany Valerııa Ibraeva, Nellı Shıvrına, ıÝlııa Sorokına, Ásel Ahmetjanova, Christianna Bonin, Normýrod Negmatov óner salasynyń jetekshi sarapshylary usynǵan.
Sondaı-aq brıtandyq joǵary dızaın mektebiniń oqytýshysy Galına Kobzevanyń eksperımenttik akvarel keskindemesi boıynsha vorkshoptar serııasy ótedi.
Anvar Músirepov, Ardaq Muqanova, Mansur Smaǵambetov, Natalıa Andakýlova, Valentına Kýzına, Anastasııa Volkova, Albına Zakırýllına jáne basqalardyń qatysýymen pablık jáne artıst-tolk, ıaǵnı shyǵarmashylyq kezdesý uıymdastyrylady.
Іs-sharada ınklıýzııa men qoljetimdilikke erekshe nazar aýdarylady: múmkindigi shekteýli kelýshilerge, sondaı-aq estý jáne kórý qabileti buzylǵan qonaqtarǵa jaǵdaı jasalady.
— Astana Art Fair kollektsıonerlerdiń, jas jáne tanymal sýretshilerdiń kezdesip, kózqarastarymen bólise alatyn, óz jumystaryn halyqaralyq alańda usyna alatyn jáne kásibı baılanystar ornatýyna múmkindik beretin platforma bolady degen úmittenemiz. Jalpy jurtshylyq úshin atalǵan is-shara zamanaýı óner álemimen jaqynyraq tanysýǵa, jańa esimder ashýǵa jáne ózińizge unaıtyn jumystardy satyp alýǵa bolatyn oryn bolmaq, — dep atap ótti uıymdastyrýshylar.
Budan buryn elordada erekshe qajettiligi bar adamdarǵa arnalǵan II shahmat olımpıadasy bastalǵanyn jazǵanbyz.