Elordada «Astana - armanym, Mańǵystaýym - máńgi ánim!» atty gala-kontsert bolady
ASTANA. 9 qarasha. QazAqparat - Erteń, 10 qarashada Astanada Kongress- hollda Mańǵystaý oblysy óner sheberleriniń qatysýymen «Astana - armanym, Mańǵystaýym - máńgi ánim!» atty gala-kontsert ótedi.
Bul týraly astana.kz saıtyna is-sharany uıymdastyrýshylar habarlady.
Sahnada óńirdiń úzdik shyǵarmashylyq ujymdary men eńbek sińirgen óner qaıratkerleri óner kórsetedi. Kontserttik baǵdarlamaǵa M. Óskenbaev atyndaǵy Mańǵystaý oblystyq fılarmonııasy, Abaı atyndaǵy mádenıet jáne damylys úıiniń «Jorǵa», «Molodost», «Áýen», «Ertegiler» syndy shyǵarmashylyq ujymdary, «Mıras» erler hory engen. Sonymen qatar, kontsertke Qazaqstan Respýblıkasynyń eńbek sińirgen qaıratkeri, «Qurmet» ordeniniń ıegeri Roza Aıdarbaeva, «Daryn» memlekettik syılyǵynyń laýreaty Aıgúl Qosanova, Qazaqstan Respýblıkasynyń mádenıet qaıratkeri Jolaman Kóshkenov, «Serper» jastar syılyǵynyń laýreaty Tamara Asar, Qazaqstan Respýblıkasynyń óner sheberleri Asqar Kósherov jáne Aqmaral Erimbetova, Sh.Qaldaıaqov atyndaǵy halyqaralyq vokaldyq baıqaýdyń jeńimpazdary Asanáli Kósherov jáne t.b. qatysady. Jalpy alǵanda, kontsertte 200 jýyq ártis óner kórsetedi.
Budan basqa, saǵat 15.00-de Kongress - hollda Mańǵystaý ólkesiniń qoldanbaly óner taqyryptyq kórmesi uıymdastyrylady.
Aıta keteıik, Mańǵystaý oblysynyń óner sheberleriniń gala-kontserti saǵat 17.00 bastalady. Kirý tegin.
