Elordada «Astana - armandar oryndalady» retro festıvali ótedi

Astana turǵyndary men qonaqtary mereke kúnderi 1967 jyldan beri ómirsheń ánderimen jasap kele jatqan «Dos Muqasan» ansambli, kóne aspapty serik etken «Jetigen» toby tárizdi tanymal ónerpazdardyń oryndaýyndaǵy ásem ándermen sýsyndaıdy. Sonymen qatar festıvalge qazaq eliniń aıtýly ánshisi Roza Rymbaeva, reseılik qonaq, Keńes estradasynyń maıtalmany ıÝrıı Antonov qatysady. «Arman oryndalady» («Mechta sbyvaetsıa») atty tanymal án Qazaqstan astanasynyń qurylý tarıhyn baıandaıdy. Óıtkeni qazaq dalasynda jas memlekettiń astanasy osydan 16 jyl buryn boı kóterip, el armany oryndalǵan. Osy ýaqyt aralyǵynda Astana álemdik deńgeıdegi saıası, ekonomıkalyq, mádenı sharalardyń biregeı alańyna aınalyp úlgerdi. Retrofestıval kórermender kóńiline tamasha áser qaldyrady dep kútilýde, dep habarlaıdy Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtabynan.