Elordada «Astana arlandary» men Ońtústik Koreıanyń «Inchhon qyrandary» arasynda jekpe-jekter ótedi
ASTANA. 11 qańtar. QazAqparat - 15 qańtarda elordadaǵy «Dáýlet» sport kesheninde AІVA-nyń Búkilálemdik boks serııasynyń kezekti jekpe-jekteri ótedi.
Onda Qazaqstan namysyn qorǵaıtyn «Astana arlandary» men Ońtústik Koreıanyń «Inchhon qyrandary» sharshy alańǵa shyǵady.
Qazaqstan boks federatsııasynyń habarlaýynsha, osyǵan oraı 14 qańtar kúni «QazMunaıGaz» UK» AQ ǵımaratynda baspasóz máslıhaty uıymdastyrylyp, bylǵary qolǵap sheberleriniń salmaǵyn ólsheý rásimi ótkiziledi.
Aıta keteıik, Halyqaralyq áýesqoı boks qaýymdastyǵynyń uıymdastyrýymen ótetin dodaǵa 12 memlekettiń komandalary qatysady. Olar óz aımaqtary boıynsha úsh topqa bólingen.
Qazaqstannyń «Astana arlandary» klýby Ońtústik Koreıa, Qytaı jáne Ázirbaıjan komandalarymen bir topta óner kórsetedi.
Buǵan deıin elordadaǵy «Dáýlet» tennıs kesheninde ótken kezdesýde qazaq bylǵary qolǵap sheberleri káristiń atalǵan klýbyn 5:0 esebimen oısyrata jeńgen bolatyn.
