Elordada «Astana-2013» XV avtorlyq ánderdiń halyqaralyq festıvali ótedi

Bul týraly búgin BAQ ókilderimen ótken baspasóz máslıhaty barysynda «Domınanta» avtorlyq ánder qorynyń dırektory, halyqaralyq festıvaldiń uıymdastyrý komıtetiniń tóraǵasy Maqsat Sársenbaev málim etti.

«Festıval Astanada osymen 15 jyl qatarynan ótkeli otyr. Qarap otyrsańyzdar, festıval elordamen jasty. Aǵymdaǵy jyly mereıtoılyq festıvalde burynǵydaı baıqaý ótkizilmeıtin bolady. Eki týr boıy júzdegen konkýrsanttardy tyńdaýǵa ýaqyt shyǵyndamaıtyn bolamyz. Tek arnaıy sheberlik synyptary barysynda «Grýshınskıı festıval» men «Pıterskıı akkord» avtorlyq ánder festıvalderine laıyqty ánshilerdi tańdaımyz. Sondyqtan bıylǵy merekelik sharada biz, ásirese, qonaqtar baǵdarlamasyn barynsha túrlendirýge basymdyq berdik», - deıdi halyqaralyq festıvaldiń uıymdastyrý komıtetiniń tóraǵasy.

Aýqymy men ótkizilý deńgeıi jaǵynan atalǵan festıval TMD-daǵy eń mańyzdy is-shara bolyp tabylady. 1999 jyly festıval halyqaralyq ataýǵa ıe boldy.

Bıyl baıqaýǵa qatysý úshin Astanaǵa elimizdiń ár aımaǵynan, sondaı-aq Reseı qalalarynyń ókilderi - Vadım men Valerıı Mışýkı, Andreı Kozlovskıı, Lıdııa Cheboksarova, Evgenıı Bykov, Aleksandr Rodovskıı, Jeńis Ysqaqov (Máskeý), Roman Lankın jáne taǵy basqalary keledi.

«Astana-2013» XV avtorlyq ánderdiń halyqaralyq festıvaliniń ashylýy shildeniń 26-sy kúni abattandyrylǵan týrıstik bazada ótip, shildeniń 28-ine deıin jalǵasady.