Elordada «Astana-2010» XII avtorlyq ánderdiń halyqaralyq festıvali ótedi

Bul týraly búgin BAQ ókilderimen ótken baspasóz máslıhaty barysynda «Domınanta» avtorlyq ánder qorynyń dırektory Maqsat Sársenbekov málim etti.

«Festıval Astanada osymen 12 jyl qatarynan ótkeli otyr. Aǵymdaǵy jyly biz qonaqtar baǵdarlamasyn barynsha túrlendirýge tyrystyq. Bul joly Jeńistiń 65 jyldyǵyna, saıası qýǵyn-súrgin qurbandaryna arnalǵan taqyryptyq kontsertter ótedi dep kútilýde. Ony Qazaqstan halqy Assambleıasymen birlesip ótkizetin is-sharalar aıasynda uıymdastyramyz», dedi qor dırektory.

Konkýrsqa 120-150 shamasynda oryndaýshylar qatysady dep kútilýde, olardyń 20-sy aqtyq synǵa joldama alady. Aǵymdaǵy jyly baıqaý qazylar alqasyn bard ánderdiń tanymal avtory, máskeýlik Aleksandr Mırzoıan basqarady. Sonymen qatar qazylar quramynda Vladımır Vasılev (Harkov q.), Raısa Nurmuhametova (Máskeý q.) jáne Roman Lankınder (Tomsk q.) bolady.

Sheberlik jáne konkýrstyq kontsertterge qatysýshylardyń óneri «Avtor», «Oryndaýshy», «Mýzyka avtory» jáne «Ansambl» atalymdary boıynsha baǵalanady.

Sonymen qatar bıyl mádenı is-sharanyń turaqty uıymdastyrýshylary elorda ákimdigi men «Domınanta» avtorlyq ánderi qorynyń qataryna festıvaldi qarjylandyrýdyń bir bóligin kótergeli otyrǵan Qazaqstan halqy Assambleıasy da qosyldy.

«Astana-2010» XII avtorlyq ánderdiń halyqaralyq festıvaliniń ashylýy shildeniń 16-sy kúni «Prıchal» motelinde ótip, shildeniń 18-ine deıin jalǵasady.