Elordada áskerge deıingi jastardyń arasyndaǵy respýblıkalyq týrnır ótti
ASTANA. 16 qarasha. QazAqparat - Astana qalasynda aeromobıl áskerleriniń jáne S. Nurmaǵambetov atyndaǵy «Jas Ulan» respýblıkalyq mektep bazasynda áskerı-qoldanbaly sport túrlerinen áskerge deıingi jastardyń arasynda respýblıkalyq týrnır ótti.
Jarysqa Qazaqstan aımaqtarynan 9 komanda, barlyǵy 45 adam qatysty. Bul týraly Pavlodar oblysy ákimdiginiń resmı saıtynan habarlady.
Oıyn baǵdarlamasynda áskerı kross, pnevmatıkalyq vıntovkadan atý, № 12,13 normatıvi - Kalashnıkov avtomatyn bólshekteýmen jınaqtaýdy oryndaý, Otan qorǵaýshy áskerı-sporttyq keshen saıystary boldy.
"Jalpy komandalyq esepte Pavlodar qalasynyń komandasy 2000 m. áskerı kross estafetasynda, granata laqtyrýdan, pnevmatıkalyq vıntovkadan atýda birinshi oryn aldy", - dep jazylǵan baspasóz baıanynda.
