Elordada Ashyq júıesindegi qoǵamdyq tamaqtaný oryndarynyń jumys ýaqyty qysqartyldy
NUR-SULTAN. QazAqparat – Nur-Sultan qalasynyń bas sanıtar dárigeriniń jańa qaýlysy jarııalandy, dep habarlaıdy QazAqparat.
Qujatta Ashyq jobasyna qatyspaıtyn qoǵamdyq tamaqtaný nysandarynyń jumys ýaqyty aldyńǵy qaýly boıynsha qalǵany jazylǵan.
«Qoǵamdyq tamaqtandyrý obektileriniń jumysyn (úı-jaıda), meıramhana, dámhana jáne kofehanalar tıpi boıynsha, ornalasqan jerine qaramastan, kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy jáne kórshiles ústelderdiń shetki oryndary arasynda keminde 2 metr áleýmettik qashyqtyqty saqtaı otyryp, oryndar júktelimi boıynsha 50%-ǵa deıin, biraq 30 orynnan aspaıtyn sharttardy saqtaı otyryp, jumys kúnderi saǵat 07:00-den 20:00-ge deıin, senbi jáne jeksenbi kúnderi jumystaryna tyıym salýmen jáne ashyq aýada otyratyn oryndarynyń sany 30-dan aspaıtyn (jazǵy zaldarda) jumys jáne demalys kúnderi saǵat 07:00-den 22:00-ge deıin jumys kestesin belgileı otyryp, tamaqty shtattyq rejımde jetkizý jáne shyǵarý arqyly qyzmet kórsetedi», - dep jazylǵan qaýlyda.
Al Ashyq jobasyna qatysatyn banket zaldary, meıramhanalar men dámhanalar úshin jumys jáne demalys kúnderi úı-jaı ishinde saǵat 07:00-den 22:00-ge deıin, ashyq aýada (jazǵy zaldarda) saǵat 7:00-den 24:00-ge deıin jumys rejımi belgilendi.
Sonymen qatar, Ashyq jobasyna qatyspaıtyn nysandarda banketter, úılený toılary, mereıtoılar men eske alý rásimderin uıymdastyrýǵa jáne ótkizýge qatań tyıym salynyp otyr.
Qujat 4 shilde kúngi saǵat 00:00-den bastap kúshine enedi.
