Elordada ashylǵan beıindi saýyqtyrý ortalyǵy 50 adamǵa deıin qabyldaı alady
NUR-SULTAN. QazAqparat – Elordadaǵy balalar aýrýhanasynyń bazasynda ashylǵan psıhonevrologııalyq beıindi saýyqtyrý ortalyǵy 50 adamǵa deıin qabyldaı alady, dep habarlaıdy QazAqparat tilshisi.
«2020 jyldyń 14 jeltoqsanynda qalalyq №1 kópbeıindi balalar aýrýhanasynyń bazasynda psıhonevrologııalyq beıindi saýyqtyrý ortalyǵynyń ashylýy ótti. Ortalyq búginde jumysyn bastap ketti jáne onda. Sonymen qatar, medıtsınalyq-sanıtarlyq alǵashqy kómek uıymdarynda kúndizgi negizde DTsP dıagnozy bar balalarǵa arnalǵan saýyqtyrý ortalyqtary jumys isteıdi. Odan bólek, mamandandyrylǵan balalar úıinde nevrologııalyq aýytqýy bar balalarǵa arnalǵan saýyqtyrý bólimi bar», - dedi Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov qalalyq máslıhattyń jalpy otyrysynda.
Onyń aıtýynsha, bıyl elordada balalardan bólek 6049 eresek adamǵa saýyqtyrý qyzmeti kórsetildi.
«Bıyl 1256 eresek múgedek jan áleýmettik qyzmetker kómegimen qamtylsa, 1280 múgedek janǵa psıhologııalyq keńes berildi. Sonymen qatar, 738 múgedektigi bar elorda turǵyny kýrorttyq shıpajaılarda em qabyldady. Atap aıtqanda, Aqmola, Pavlodar jáne Túrkistan oblysynyń kýrorttyq-shıpajaılary bar», - deıdi ol.
Buǵan deıin atalǵan basqarma basshysy elordada 28 myńnan astam múgedek jan baryn aıtqan edi.
