Elordada ashyq málimetter ınternet-portaly iske qosyldy
Astana qalasy ákimi apparatynyń orynbasary Álnur Seıdýmanovtyń habarlaýynsha, jyl saıyn memlekettik organdar qalanyń tynys-tirshiliginiń túrli salalarynda aqparattyń kóp kólemin jınaıdy, bul aqparat ınternette jarııalanýy tıis jáne kez kelgen tulǵalar ony tegin, zańnamaǵa sáıkes maqsattarda birneshe ret qoldana alady.
- Barlyq aqparat bir jerge jáne yńǵaıly bolatyndaı jınalady. Bul BAQ, bıznes ókilderine jáne azamattarǵa memlekettik málimetter bazasyn keńinen paıdalanýǵa múmkindik beredi. Portal iske qosyldy jáne qoǵam úshin barynsha paıdaly jáne tıimdi bolýy úshin jasaldy. Kóptegen ortalyq memlekettik organdar men aımaqtar óz málimetterin jarııalap úlgerdi. Munda eń mańyzdy jáne paıdaly málimetter jınalǵan. Ashyq málimetterdiń ishinde - ózektendirý kezeńi, merzimderi, derekkózder, jaýapty tulǵalar berilgen. Aldaǵy ýaqytta tizim keńeıe túspek, - dedi Á. Seıdýmanov.
Qoǵamdyq keńes músheleri usynylǵan jobany biraýyzdan maquldady.
Aıta keteıik, budan basqa, otyrys barysynda elordada sáýlet, qala qurylysy jáne qurylys salasynda kórsetiletin memlekettik qyzmetter reglamentine engiziletin ózgerister bekitildi. Sonymen qatar, «Sáýlet, qala qurylysy jáne qurylys salasyndaǵy jobalardy basqarý boıynsha uıymdardy akkredıtatsııalaý» reglamenti maquldandy.