Elordada ashyq aspan astyndaǵy stýdııada referendýmǵa arnalǵan telekópir ótip jatyr
Shynydan boı kótergen stýdııanyń aınalasy tolǵan adam. Onsyz da jaz boıy adam aıaǵy úzilmeıtin býlvarda qarbalas kúsheıgen. «Habar» agenttigi 5 maýsymda ótetin respýblıkalyq referendýmǵa arnap telekópir ótkizý úshin stýdııa qurypty.
«5 maýsymda – referendým. Soǵan halyqty meılinshe tartý úshin «Habar» agenttigi osy referendýmǵa jańa formatta, jańa bastamamen halyqqa erekshe stýdııany usynyp otyr. Ózderińiz kórip otyrǵandaı, qalanyń qaq ortasynda, jaıaý júrginshilerdiń jolyna qarama-qarsy jerde ashyq aspan astynda stýdııa qurdyq. Efır segiz saǵatqa sozylady. Búgin úgit-nasıhat jumystarynyń sońǵy kúni. Osy sońǵy kúnde halyqty meılinshe aqparattandyryp, eldi osy mańyzdy sharaǵa úndeýdi kózdedik», - dedi agenttiktiń basqarma tóraǵasy Berik Ýálı.
Málim etilgendeı, telekópirge agenttiktiń ózge óńirleri de belsendi atsalysyp jatyr.
«Almatydan tikeleı efırge qosylyp jatyr. 8 saǵatta Qazaqstannyń tórt tarabyn túgel qamtýǵa tyrysyp jatyrmyz. Búkil óńirlerden, jańa ashylǵan oblys ortalyqtarynan da suhbattar uıymdastyryp jatyrmyz. Suhbattyń bári ashyq, erkin. Búkil otandastarymdy referendýmǵa kelýge shaqyramyn. «Habar» arnasy jańa formatta, ashyq aspan astynda, tyń ıdeıamen halyqqa jańa suhbattar usynyp jatyr. Senat, Tóraǵasy, Májilis tóraǵasy, memleket hatshysy sııaqty joǵary laýazym ıeleri de, blogerler men óner maıtalmandary, qarapaıym turǵyndar pikirin erkin aıtyp jatyr», - dedi agenttik basshysy.
Aıta keteıik, búgin Prezıdent referendýmǵa oraı beıneúndeý joldaıdy.
