Elordada «Ashyq ákimdik» formatyndaǵy azamattardy qabyldaý ótti
NUR-SULTAN. QazAqparat - «Ashyq ákimdik» formatyndaǵy ashyq esik kúni «Januıa» otbasy ınstıtýtyn qoldaý ortalyǵynda ótti. Elorda ákimi Altaı Kólginov, ákim orynbasarlary, basqarma basshylary men aýdan ákimderi azamattardy qabyldady, dep habarlaıdy QazAqparat.
Qala ákimdigi baspasóz qyzmetiniń habarlaýynsha, bir kún ishinde 700 adam qabyldandy. Qala basshylyǵymen kezdesýge kelgen turǵyndardyń basym bóligi turǵyn úı máseleleri boıynsha júgindi. Altaı Kólginov bıyl qalada Memleket basshysynyń tapsyrmasyna sáıkes qoljetimdi turǵyn úı kólemi edáýir ulǵaıtylatynyn aıtty. Sonymen qatar birinshi kezekte úıdi kezekte turǵan azamattar alatynyn málimdedi. Memleket qoldaýynyń arqasynda«GLB» úı qurylysy kombınatynyń jumysy qaıta jandandy. Qurylys kásiporny úıdiń sapasyna nuqsan keltirmeı, sharshy metrdiń ózindik qunyn tómendetýge jáne ǵımarat salý merzimin edáýir qysqartýǵa múmkindik beredi. Sondaı-aq, azamattar jumysqa ornalasý, medıtsınalyq kómek alý, balalardy balabaqshaǵa ornalastyrý máseleleri boıynsha ótinish bildirdi, úlestik qurylys jáne t. b. máseleler kóterildi.
2019 jyldyń qarasha aıynda «Januıa» otbasy ınstıtýtyn qoldaý ortalyǵynda Memleket basshysynyń «halyq únine qulaq asatyn memleket» tujyrymdamasyn júzege asyrý aıasynda «azamattardy qabyldaýdyń biryńǵaı kúni» jalpy respýblıkalyq is-sharasy ótken bolatyn.
