Elordada asfaltti jýýǵa arnalǵan sýsabyndardyń qaýipsizdigi tekseriledi

NUR-SULTAN. QazAqparat - Densaýlyq saqtaý mınıstrligi jol jabynyna arnalǵan sýsabyndardyń qaýipsizdigin teksermek, dep habarlaıdy QazAqparat tilshisi.

«Barlyq sýsabyndar men qatqan muzǵa qarsy materıaldar qaýipsizdik boıynsha sertıfıkattaýdan ótýi kerek. Bul jaǵdaıda atalmysh materıaldar turǵyn úı sektorynda, adamdar turatyn jerde qoldanyla bastaıdy. Sózsiz, bul materıaldardy baqylaýǵa alamyz. Álbette, qazirgi ýaqytta saraptama jumystary júrgizilip jatyr. Biraq, atalmysh jaǵdaıda jol jabynyna arnalǵan sýsabyndar qaýipsizdik boıynsha sertıfıkattaýdan ótedi», - deıdi QR DSM Qoǵamdyq densaýlyq saqtaý komıtetiniń tóraǵasy - Bas memlekettik sanıtarııalyq dáriger Jandarbek Bekshın OKQ-da ótken baspasóz máslıhatynda.

Eske sala ketsek, astananyń kommýnaldyq qyzmetteri kóshelerdi qysqy qaldyqtardan tazartý úshin arnaıy sýsabynmen jýýdy qolǵa alatyny buǵan deıin habarlanǵan bolatyn. Bul týraly qala ákimi Baqyt Sultanov Feısbýktegi paraqshasynda jazǵan edi.

Aıta keterligi, buǵan deıin Jandarbek Bekshın taýar qaýipsizdigin qamtamasyz etý boıynsha 2019 jyldyń 1 toqsanynda júrgizilgen jumys qorytyndysyn jarııalaǵan bolatyn.