Elordada «Ásem» SO aldyndaǵy kóshede kólik qozǵalysy shekteledi
ASTANA. QazAqparat - Y. Dúkenuly kóshesinde ınjenerlik jumystar júrgizilýge baılanysty kólik qozǵalysy shekteledi, dep habarlaıdy QazAqparat qala ákimdiginiń saıtyna silteme jasap.
14 naýryzda, saǵat 23.00-den bastap Y. Dúkenuly kóshesinde ınjenerlik jumystar júrgizilýge baılanysty Sh. Ýálıhanov kóshesinen Sh. Aımanov kóshesine deıingi ýchaskede kólik qozǵalysynyń toqtatylýyna baılanysty, birqatar avtobýs baǵdarlarynyń qozǵalys syzbasy ýaqytsha ózgertiledi.
№ 14, 48 avtobýs baǵdarlarynyń qozǵalysy Y.Dúkenuly kóshesinen Bógenbaı batyr dańǵylyna ýaqytsha kóshiriledi. (Y.Dúkenuly kóshesinde ornalasqan aıaldama («Ásem» SO aldy) ýaqytsha Bógenbaı batyr dańǵyly («Álem», «Shapaǵat» SÚ) aýystyrylady).
№ 52 avtobýs baǵdarynyń qozǵalysy Bógenbaı batyr dańǵylyna deıin ózgerissiz, ári qaraı solǵa Bógenbaı batyr dańǵylyna, ońǵa Sh.Aımanov kóshesine ári ońǵa Y.Dúkenuly kóshesine, solǵa Sh.Ýálıhanov kóshesine ári qaraı qoldanystaǵy qozǵalys syzbasy boıynsha júredi.
Keri baǵytta uqsas qozǵalys syzbasy boıynsha júrgiziledi.
Aıta keterligi, kólik keptelisin boldyrmaý úshin júrgizýshiler aldyn ala baǵyttaryn josparlap alýy kerek.
