Elordada asa qatygezdikpen jasalǵan qylmys ashyldy
ASTANA. 16 qyrkúıek. QazAqparat - Astana qalalyq ishki ister departamenti Tergeý basqarmasynyń qyzmetkerleri asa qatygezdikpen jasalǵan qylmysty ashty.
Qalalyq ІІD baspasóz qyzmetiniń habarlaýynsha, saltanatty toı is-sharalaryna qyzmet kórsetýmen shuǵyldanatyn qymbat avtokóliktiń júrgizýshisi qylmyskerlerdiń qurbany bolǵan. Sol kúni oǵan uıaly telefonyna habarlasyp, kezdesý jóninde kelisken.
4 jas jigit aram oılaryn júzege asyrý maqsatynda aldyn-ala jábirlenýshimen sóılesý úshin uıaly telefondar satyp alyp, ózderiniń zalym oılaryn josparlaǵan. Olardyń josparlary mynadaı: qymbat avtokólikti jalǵa berý qyzmeti týraly aqparat bar gazettegi habarlandyrýǵa telefon shalyp, olar jolaýshylardy tasý maqsatyndaǵy syltaýmen aldyn-ala kezdesýge kelisip, keıin avtokólik ıesin soqqyǵa jyǵyp, kólikti alyp ketý.
Kelisilgen jerde qylmyskerler avtokólikti tartyp alý josparyn kózdegen.
Belgilengen jerge kelgenderdiń ishindegi ekeýi pyshaqty sýyryp alyp, avtokólik ıesine birneshe jaraqat salǵan. Qylmys izderin jasyrý maqsatynda máıitti Dýlatov kóshesiniń boıyndaǵy aǵashtardyń arasyna tastaǵan.
Qylmystyq toptyń músheleriniń árqaısysyna rólder bólingen. Bireýine kóliktiń qosalqy bólshekterin satýshy róli bólinse, ekinshisi deldal rólin atqarǵan, al ekeýi kólik ıesin óltirýdi iske asyrǵan.
«Mersedes Bents» markaly S-tobynyń avtokóligi esh kedergisiz qylmyskerlerdiń qolynda bolǵan ýaqytta bireýi óziniń nemere aǵasymen avtokóliktiń qosalqy bólshekterin satýǵa kelisken.
Dál osy kúni 2011 jyldyń 17 tamyzynda Astana qalasy Saryarqa aýdany ІІB-nyń kezeshi bólimine «S» azamat óziniń avtokóligimen shyǵyp ketken ulynyń joǵalǵany týraly jáne qazirgi kezge deıin onyń qaı jerde ekeni belgisiz ekendigi týraly aryz jazǵan.
Astana q. ІІD Jedel basqarý ortalyǵynyń beıne baqylaý kamerasynyń kómegimen jábirlenýshiniń avtokóligi qaı baǵytta júrip bara jatqany anyqtaldy.
Jedel-izdestirý sharalaryn júrgizý kezinde osy kólik qoǵamdyq avtotraqtardyń aýmaǵynda tabylǵan.
Astana q. ІІD saqshy qyzmetkerleri habar-osharsyz joǵalǵan júrgizýshiniń bet-álpetine uqsas keletin birneshe pyshaq jaraqatymen máıitti tapqan.
Astana q. ІІD-niń bastyǵy polıtsııa general-maıory A.A. Áýbákirovtiń aıtýynsha, osy aýyr qylmysty ashýǵa jedel-tergeý toby qurylyp, úsh apta boıy tynymsyz jumys atqaryldy.
Jedel-izdestirý sharasyn júrgizý barysynda qylmystyq topty ustaý boıynsha jan-jaqty, tolyqqandy josparlanǵan operatsııasynyń arqasynda jedel ýákil qyzmetkerleri men arnaıy maqsattaǵy «Arlan» bóliminiń jaýyngerleri osy qylmysty jasaǵan qylmystyq toptyń quramyndaǵy 4 adamdy ustady.
Qazirgi kezde QR QK-niń 96-babynyń 2-bólimi boıynsha qylmystyq is qozǵaldy. Ustalǵan barlyq tulǵalar Astana q. ІІD Ýaqytsha oqshaýlaý ornyna qamaýǵa alyndy.
