Elordada asa iri kólemde sıntetıkalyq esirtki saqtaǵan adam ustaldy

ASTANA. QazAqparat – Elordada asa iri kólemde sıntetıkalyq esirtki saqtaǵan 26 jastaǵy adam ustaldy, dep habarlaıdy QazAqparat polisia.kz caıtyna silteme jasap.

«Kúdikti turǵan páterdi tintý kezinde erekshe ıisi bar aq tústi zat salynǵan 700-den astam túıinshek tabyldy jáne tárkilendi. Saraptama kórsetkendeı, zat salmaǵy shamamen 1 kg 200 gr mefedron bolyp shyqty. QR QK-niń 296-baby boıynsha sotqa deıingi tergeý amaldary júrgizilip jatyr. Er adam kinásin moıyndady jáne ol qamaýǵa alyndy»,- delingen polıtsııa habarlamasynda.