Elordada Arystaǵy jarylysta 1-toptaǵy múgedekti qutqarǵan polıtseılerge qurmet kórsetildi
«Táýelsizdik – memlekettiń tuǵyry, halyq ál-aýqatynyń kepili. Tuńǵysh Prezıdent – Elbasy Nursultan Nazarbaevtyń salıqaly saıasatynyń arqasynda Qazaqstan az ýaqyt ishinde myqty memleketke aınaldy», - dedi merekelik sharany ashqan departament basshysy Ońal Bekıev.
O.Bekıev 16 jeltoqsan barshamyz úshin basty mereke ekenin jáne shynynda erkindik pen táýelsizdiktiń sımvoly ekenin atap ótti. Búgingi kúni birlikti, qoǵamdyq kelisimdi nyǵaıtý úshin qyzmet etý ár azamattyń mindeti, dep atap ótti polıtsııa polkovnıgi.
Kóliktegi polıtsııa departamentiniń basshysy jınalǵan azamattardyń barlyǵyn ataýly kúnmen quttyqtap, zor densaýlyq, otbasynyń amandyǵyn jáne Otan úshin jasalǵan eńbeginiń jemisti bolýyn tiledi.
Merekelik shara barysynda kólik polıtseıleri Arys áskerı bóliminde bolǵan jarylys kezinde úıinde jalǵyz qalyp qoıǵan 79 jastaǵy Pernebek Mahambetovti qutqarǵan Arys stansasy jelilik polıtsııa bólimshesiniń úsh polıtseıine beıbit kúnde kórsetken erlikteri úshin qurmet kórsetti.
1-toptaǵy múgedek Pernebek Mahambetov úıde jalǵyz qalyp, jarylysty estimegen. Polıtsııa podpolkovnıgi Altaı Ormanov, polıtsııa maıory Marat Maqulbekov jáne aǵa leıtenant Asqar Turarbekov birlesip úılerdi aralap júrgen kezde qart zeınetkerdi taýyp alyp, qaýipsiz jerge evakýatsııalaǵan.
Paryzyna degen adaldyǵy men kásibılikteri úshin polıtseıler «Tótenshe jaǵdaıdaǵy erligi úshin» medaldarymen marapattaldy.
Sonymen qatar, qyzmetterin adal atqarǵany, jedel-qyzmettik isteri úshin jáne Táýelsizdik kúnine oraı 50 polıtsııa qyzmetkeri marapattaldy.
Merekelik shara «Jastar» teatry ártisteriniń kontsertimen jalǵasyn tapty.
Esterińizge sala keteıik, Táýelsizdik kúnin merekeleýge arnalǵan resmı sharalar atalmysh departamenttiń jelilik polıtsııa bólimshelerinde de uıymdastyryldy.
