Elordada «ART/CREATIVE 2010» atty kreatıvti fotokórme ashyldy
STANA. Shildeniń 2-si. QazAqparat /Marlan Jıembaı/ - Búgin elordadaǵy Qazirgi zamanǵy óner murajaıynda «ART/CREATIVE 2010» atty birinshi kreatıvti fotokórmeniń ashylý rásimi ótti.
«Astana jastary» aktsııasynyń jetekshisi Evgenıı Rıbankonyń atap ótýinshe, «Astana jastar kózimen» atty respýblıkalyq aktsııasy sheńberinde ashylyp otyrǵan kórmege kásibı turǵyda mamandanbaǵan jas fotograftardyń týyndylary qoıylǵan. «Fotojumystardyń barlyǵy da áserli, bir-birine uqsamaıtyn erekshe, eń bastysy óz aldyna kreatıvti deýge bolady. Internet jelisine qoıylǵan sýretterdiń bir bóligi qyzý pikirtalas ta týdyrdy. Al kelesi bir bóligi múlde esh jerde jarııalanbaǵan», deıdi ol.
Sharanyń negizgi maqsaty jastardyń ózderiniń Astanasyna, elordasyna degen kózqarastaryn sýretterimen, jumystarymen kórsetý ekendigin atap ótken QR Bilim jáne ǵylym mınıstrligi Jastar saıasaty departamentiniń dırektory Madııar Qojahmet «jalpy bul respýblıkalyq aktsııanyń birinshi sharasy dep aıtýǵa bolady. Óıtkeni budan da basqa sharalar bar. Máselen, Qazaqstan kartasynyń árbir oblysyn jastarǵa bólip berip, sol oblystyń jastary Astanaǵa degen ózderiniń quttyqtaý sózderin jazady. Sony shildeniń 5-i kúni toptastyryp, kólemi 3h6 metrlik úlken kartaǵa belgileıtin bolamyz. ıAǵnı jastarmyz elordaǵa degen kózqarastaryn ashyq kórsetedi», dedi.
Astana, Almaty jáne Pavlodar qalalarynan kelgen avtorlardyń 100-den astam óner týyndylary qoıylǵan kórme barysynda jastar ujymdarynyń jandy daýysta oryndaǵan ánderi, ıspandyq Los amigos dýetiniń gıtarada oınaǵan áýenderi kelýshilerdiń kóńilinen shyqty.
Kórme shildeniń 25-ine deıin jalǵasady.
