Elordada arnaıy ruqsaty joq, óz isin jaýapsyz atqaratyn qurylysshylar bar - Á.Jaqsybekov
ASTANA. QazAqparat - Elordada qurylys júrgizýge arnaıy ruqsaty joq birqatar kompanııa jumys isteýde. Bul týraly búgin elordalyq kásipkerler konferentsııasynda Astana ákimi Ádilbek Jaqsybekov aıtty.
«Qazirgi ýaqytta biz lıtsenzııasyz jumys iseıtin, óz isine jaýapsyz qaraıtyn birqatar qurylys kompanııalaryn bilemiz. Olar úleskerlik qurylys týraly zańdy qaperge almastan baspanalardy saýdalaýda», - dedi qala basshysy.
Osy rette Á.Jaqsybekov bul máseleniń túıinin tarqatýǵa Ulttyq kásipkerler palatasy da qatysýy tıistigin basa aıtty.
«Mundaı óz isine jaýapsyz qaraıtyn qurylysshylar bıznestiń bedelin túsiredi. Tipti, belgili bir deńgeıde azamattardyń áleýmettik narazylyǵyn týyndatady. Olar óz betterimen qurylysty bastap, aqsha jınap alady. Osydan keıin olar óz mindetterin oryndamaıdy. ıAǵnı, azamattardyń ekonomıkalyq múddesine nuqsan keltiredi», - dep atap ótti elorda ákimi.
