Elordada arnaýly áleýmettik qyzmettermen 7,5 myńnan astam adam qamtyldy
ASTANA. KAZINFORM - Astana qalasynda arnaýly áleýmettik qyzmettermen 7,5 myńnan astam adam qamtyldy. Bul týraly elordanyń Kommýnıkatsııalar qyzmetinde ótken brıfıngide Astana qalasy Jumyspen qamtý jáne áleýmettik qorǵaý basqarmasy basshysynyń orynbasarynyń mindetin atqarýshy Bolat Jumadil málim etti, dep habarlaıdy elorda ákimdiginiń resmı saıty.
Spıkerdiń aıtýynsha, Astana qalasynyń Jumyspen qamtý jáne áleýmettik qorǵaý basqarmasy arnaýly áleýmettik qyzmetter kórsetetin 7 vedomstvolyq baǵynysty uıymnyń jumysyn úılestiredi.
— Memlekettik-áleýmettik tapsyrys aıasynda arnaýly áleýmettik qyzmetter kórsetýdi usyný bóliginde úkimettik emes uıymdardy qarjylandyrý júzege asyrylady. Bıyl statsıonarlyq, jartylaı statsıonarlyq jáne ómirlik qıyn jaǵdaıǵa tap bolǵan adamdar úshin úıde kútim kórsetý jaǵdaılarynda arnaýly áleýmettik qyzmetter kórsetetin 9 úkimettik emes uıym jumys isteıdi. Jyl basynan arnaýly áleýmettik qyzmettermen 7 537 adam qamtyldy, - deıdi Bolat Jumadil.
Onyń aıtýynsha, qazirgi ýaqytta jańa engizýlerdi, ıaǵnı lıtsenzııalaýdy jáne jan basyna shaqqandaǵy qarjylandyrýdy iske asyrý aıasynda áleýmettik qyzmetter kórsetý ortalyqtary men úkimettik emes uıymdar mynadaı is-sharalardy ótkizdi:
— «Eńbek sharttaryn basqarýdyń biryńǵaı júıesi» (EShBBJ) aqparattyq júıesine shtattyq keste engizildi.
— áleýmettik qyzmetkerler, bólimshelerdiń basshylary men meńgerýshileri onlaın rejımde SKILLS.ENBEK.KZ kásiptik oqytý platformasynda oqytýdan ótip, sertıfıkattar aldy;
— Career Enbek saıtynda áleýmettik qyzmetkerler tiziliminde 300-den astam áleýmettik qyzmetkerler tirkeldi.
— qolda bar 16 uıymnyń derekterin tsıfrlandyrý sheńberinde 15 uıym (6 KMM jáne 9 ÚEU) Social-aleumet.enbek. portalynda qyzmet alýshylardyń derekterin jáne materıaldyq-tehnıkalyq jaraqtandyrýdy toltyrý boıynsha belsendi jumys júrgizýde.
— sanıtarııalyq-epıdemıologııalyq stantsııasynan, tótenshe jaǵdaılar departamentinen aktiler men habarlamalar alý boıynsha jumystar júrgizilýde.
Ol sóz sońynda jalpy arnaıy áleýmettik qyzmetterge lıtsenzııa alý boıynsha jumys baqylaýda turǵanyn aıtty.