Elordada Armenııadan ákelingen kólikterdi tirkeý qarqyny qandaı
NUR-SULTAN. QazAqparat – 1 maýsymnan bastap Qazaqstanǵa Armenııadan ákelingen kólik quraldaryn tirkeý bastaldy. Osylaısha, Nur-Sultan qalasynda alǵashqy tórt kúnniń ishinde 60-qa jýyq kóliktiń ıesi Mamandandyrylǵan halyqqa qyzmet kórsetý ortalyǵyna júgingen, dep habarlaıdy QazAqparat.
Nur-Sultan qalalyq Polıtsııa departamentinen málim etkendeı, mundaı kóligi bar adamdarǵa qaı aımaqtan ekeni kórinip turatyn 01 nómiri men «A» áriptik sımvoly bar, sary tústi fondaǵy memlekettik tirkeý nómiri beriledi. Sonymen qatar kólikke «Kólik quraly basqa adamnyń atyna tirkeýge jatpaıdy» degen belgi qoıylady.
Jańa tirkeý nómirimen avtokólikter Qazaqstannyń ishinde de, shetelde de salyǵyn tólep, tehnıkalyq tekseristen ótip, erkin júre alady.
«Úkimettiń qaýlysyna sáıkes kólikti tirkeý quny 11 946 teńgeni quraıdy. Onyń ishinde 695 teńge (0,25 AEK) – kólikti tirkegeni, 3473 teńge (1,25 AEK) – tehnıkalyq qujat, 7778 teńge (2,8 AEK) memlekettik nómir úshin alymdar. Armenııa Respýblıkasynan jetkizilgen kólikti tirkeý úshin 20-40 kóshesindegi mamandandyrylǵan HQO-ǵa barý kerek», - dep túsindiredi departamentten.
Kólikti tirkeýge qatysty suraqtar boıynsha Nur-Sultan qalasynyń PD ákimshilik polıtsııa basqarmasynyń (saǵat 09.00-den keshki 18.00-ge deıin) 53-27-74,71-69-77, 53-22-70, 776-124-20-33, 777-717-00-05 nómirleri boıynsha Call-ortalyǵyna habarlasýǵa bolady.
