Elordada arbat, jaǵajaı jáne saıabaqtar dezınfektsııalanady
NUR-SULTAN. QazAqparat - Nur-Sultanda dezınfektsııa sharalary jalǵasýda. Bıyl 11 mamyrdan bastap qala turǵyndaryna qatań sanıtarlyq erejelerdi saqtaı otyryp, saıabaqtarǵa, alańdarǵa barýǵa ruqsat etilgen. Demek, joǵaryda atalǵan oryndar aýmaǵynda kúsheıtilgen dezınfektsııa júrgiziledi.
«Adamdar kóp jınalatyn jerlerde: arbatta, jaǵajaıda, saıabaqtarda dezınfektsııa júrgizemiz. Oryndyqtardy, baǵanalardy jáne t. b. kópshilik ustaıtyn jerlerdi dezıefektsııalyq óńdeýden ótkizemiz. Qaýip áli de bar. Muny este saqtaý mańyzdy»,- dedi «Astanalyq dezınfektsııa» JShS qyzmetkeri Islam Dáýitov.
Elordada burynǵysynsha maska taǵý rejımi qatań saqtalýda. Turǵyndar áleýmettik qashyqtyqty saqtap, qoldaryn antıseptıkpen óńdep, turǵyndar toptanyp jınalmaýy qajet.
Elordany óńdeý birneshe kezeń boıynsha júrgiziledi. Barlyǵy 20 mıllıon sharshy metrden astam aýmaq dezınfektsııalandy. Dezınfektsııalaý jaıaý jáne arnaıy mashınalardyń kómegimen júrgiziledi.
Sondaı-aq, áleýmettik nysandardyń, bazarlardyń, SOO aýmaqtary, sonymen qatar aýlalar, balalar alańdary, úılerdiń kireberisteri jáne adamdar kóp jınalatyn basqa da oryndar muqııat óńdeledi.
