Elordada «Araı» saıabaǵynda donorlyq aktsııasy uıymdastyrylady
ASTANA. QazAqparat - Elordalyq «Araı» saıabaǵynda jáne medıtsınalyq mekemelerinde «Bir tamshy qan-bir adamnyń ǵumyry» aktsııasy ótedi. Bul týraly astana.kz saıtyna elorda kúnine arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtaby habarlady.
Aktsııanyń maqsaty - múshkil halge tap bolǵan adamdarǵa kómektesý úshin deni saý jandardy donorlyqqa tartý. Osyǵan oraı, qaladaǵy kóp salaly statsıonarlar men transfýzıologııa ǵylymı-óndiristik ortalyǵynda, №1 jáne 2 emhanalarda, sondaı-aq «Araı» saıabaǵynda qan alý oryndary uıymdastyrylady. Aktsııa barysynda 250-300 adamnan qan alý kózdelgen. Shara sońynda merekelik kontsert ótedi.
Medıtsınalyq mekemelerdiń málimetinshe, búginde Astana qalasynda qanǵa qajettilik 2 esege artyp, kúnine 100 lıtrge jetken. Bul jańa medıtsınalyq nysandardyń kóbeıýine, kórsetiletin medıtsınalyq qyzmet pen ota jasaý sanynyń artýyna baılanysty bolyp otyr. Astananyń barlyq medıtsınalyq uıymdarynda jylyna 83 myń ota jasalady. Sonyń ishinde 25 myń ota barysynda joǵary tehnologııalar qoldanylady.
Shara Dúnıejúzilik donor kúni qarsańynda 20 maýsymda №1, №2 qalalyq emhanalarda jáne 21 maýsymda «Araı» saıabaǵynda saǵat 10.00 bastalady. Uıymdastyrýshylar elorda turǵyndaryn sharaǵa belsendi qatysýǵa shaqyryp, qan tapsyryp, basqa adamnyń ómirin saqtaýǵa bolatynyn esterine salady.
