Elordada aptanyń sońyna deıin kún ystyq bolady
ASTANA. QazAqparat - Astanada jumys aptasynyń basynda kún ashyq, jyly boldy. Búginnen bastap aptap ystyq bolady dep kútilýde. Bul týraly «Qazgıdromet» RMK habarlady, dep jazady elorda ákimdiginiń resmı saıtynda.
Sınoptıkterdiń boljamynsha, aldaǵy kúnderi kóshpeli bult shyǵady, jaýyn-shashynsyz bolady. Demalys kúnderi de jańbyr jaýmaıdy. Búgin Astanada kóshpeli bult shyǵady, jaýyn-shashyn bolmaıdy. Soltústikten, soltústik-shyǵystan 9-14 m/s jyldamdyqpen jel soǵady. Túnde aýa temperatýrasy +12+14°S, kúndiz +25+27°S ystyq. Al erteń, beısenbi kúni elordada kún ala bultty, jaýyn-shashynsyz bolady. Soltústik-shyǵystan batysqa aýysqan jel 9-14 m/s jyldamdyqpen soǵady. Túnde aýa temperatýrasy +10+12°S, kúndiz +25+27°S jetedi.
Juma kúni kóshpeli bult shyǵady, jaýyn-shashyn bolmaıdy. Batystan soltústik-shyǵysqa aýysqan jel 9-14 m/s jyldamdyqpen soǵady. Túnde aýa temperatýrasy +13+15°S, kúndiz +27+29°S.
