Elordada apta sońy jaýyn-shashyndy bolady
ASTANA. 8 tamyz. QazAqparat - Astanada aptanyń birinshi jartysynda ótkinshi jańbyr jaýyp, kún jyly boldy.
Al aldaǵy kúnderi aýa-raıy jaýyn-shashyndy bolady, dep habarlaıdy astana.kz saıty «Qazgıdromet» MKKǵa silteme jasap.
Sınoptıkterdiń boljamynsha, sońǵy jumys kúnderi jańbyr jaýady.
«Beısenbi kúni Astanada kóshpeli bult shyǵyp, ótkinshi jańbyr jaýady, kún kúrkireıdi. Ońtústik-batystan jel soǵady. Túnde aýa temperatýrasy +14+16°C, kúndiz +22+24°C jyly bolady», - delingen aqparatta.
Juma kúni elordada kún ala bultty bolady, azdap jańbyr jaýady, kún kúrkireıdi. Batystan 9-14 m/s jyldamdyqpen jel soǵady. Túnde aýa temperatýrasy +13+15°C, kúndiz +23+25°C bolady.
Demalystyń alǵashqy kúni kóshpeli bult shyǵady, jaýyn-shashyndy bolady, kún kúrkireıdi. Batystan shyǵysqa aýysqan 9-14 m/s jyldamdyqpen jel soǵady. Túnde aýa temperatýrasy +14+16°C, kúndiz +22+24°C bolady.
