Elordada apta saıyn jármeńkeler ótedi
NUR-SULTAN. QazAqparat –Ár demalys saıyn Saýran 7, «Nova City» TK jáne Jaǵalaý shaǵyn aýdany (Syǵanaq-Sh.Aıtmatov) meken jaılary boıynsha aýylsharýashylyq jármeńkeler ótkiziledi, habarlaıdy qala ákimdiginiń resmı saıty.
Jármeńkeler ár senbi jáne jeksenbi kúnderi saǵat 9.00-den 18.00-ge deıin ótedi. Uıymdastyrýshy - Nur Sultan qalasynyń ákimdigi.
Jármeńkelerde aýylsharýashylyq ónimderiniń ár túrli assortımenti usynylǵan: kókónister men jemister, qyshqyl sút jáne sút ónimderi, shujyqtar jáne azyq-túlik ónimderi jáne t.b. Qala azamattardyń yńǵaılyǵy úshin osynda «Altyn Adam» tigin fabrıkasy, «SensFhashion» saýda jáne óndiristik kompanııasy, «Elish» tigin tsehi, «Danmard» JShS, QR Jeńil ónerkásip ónimderin óndirýshilerdiń Odaǵy («ÝnıverMAG.kz» otandyq taýar óndirýshilerdiń dúkeni) jáne balalarǵa arnalǵan jýrnaldardy shyǵarý «Aıtshy ájetaı» qatysýymen jármeńkeler ótedi.
Sonymen qatar, bazarlar men saýda ortalyqtaryna mektep kıimderi men oqý quraldaryn jappaı satýy ótip jatqandyǵyn habarlaımyz.
