Elordada apta ishinde ótetin mádenı jáne sporttyq sharalar
NUR-SULTAN. QazAqparat - «QazAqparat» Halyqaralyq aqparat agenttigi elorda ákimdiginiń resmı saıtyna silteme jasap, 22-28 sáýir aralyǵynda ótetin mádenı jáne sporttyq sharalar josparyn usynady.
Táýelsizdik saraıy: 22-28 sáýir aralyǵynda «Aqanaevtar áýleti» jeke kórkem kórmesi, «Áýedegi qozǵalys» qazirgi zaman óner kórmesi, Marash Kenıevanyń «Ómirim - meniń ónerim» atty kórmesi, Amanat Nazarqulovtyń jeke kórmesi, «Uly dala murasy» atty qoldanbaly óner kórmesi, Rýslan Júnisov pen onyń shákirtteriniń «Kishi plastıka» atty kórmesi, «Іzder» kórmesi, Gúlnur Áskerovanyń «Móldir reń» atty jeke kórmesi, Vadım Bykovtyń «Qas - qaǵym sát, aıalda, sen ǵajapsyń!» atty jeke kórmesi nazarǵa usynylady.
«Jastar» saraıy: 22-28 sáýir kúnderi Bal kórmesi, 23 sáýirde «Kóńildi jáne tapqyrlar» oıyndary, 27 cáýirde «Tańǵy Shuǵyla» atty balalar men jastar shyǵarmashylyǵynyń halyqaralyq festıval-baıqaýy, 28 cáýirde «Sálem, Astana!» atty balalarǵa arnalǵan respýblıkalyq festıval-baıqaýy ótedi.
«Astana-Arena» stadıony: 27 sáýirde Premer-lıga klýbtary arasyndaǵy fýtboldan QR Chempıonaty aıasynda saǵat 15:00-de «Shahter» FK men «Kaısar» FK, saǵat 19:00-de «Astana» FK men «Tobyl» FK kezdesedi.
Qýyrshaq teatry: 27, 28 cáýirde T. Hasanǵalıevanyń «Ormanda bolǵan oqıǵa» ertegisi sahnalanady.
«Astana Opera» MOBT: 24 sáýirde Ǵazıza Jubanovanyń mýzykasyna jazylǵan «Qaragóz» baleti, 25 sáýirde «FORTE-TRIO» Memlekettik kontserttik trıosynyń «Sózsiz ánder» kontserti, 27 sáýirde D. Rossınıdiń «Sevıldik shashtaraz» eki bólimdi komedııalyq operasy, 28 sáýirde «Kóktem valsi» kontserti josparlanǵan.
«Astana» kontsert zaly; 23 sáýirde «Óner qyrandary» teatry, 24 sáýirde «Uly dalamnyń - uly esimi» atty «Qorqyt» dástúrli saz tobynyń kontserti, 25 sáýirde Kalıbek Derıpsaldınniń shyǵarmashylyq keshi, 27 sáýirde «Shalqyma» halyq bı ansambliniń «Atadan mura» atty kontserti uıymdastyrylady.
Q. Qýanyshbaev atyndaǵy Memlekettik akademııalyq qazaq mýzykalyq drama teatry: 26 sáýirde Ý. Shekspırdiń «Otello» tragedııasy, 27 sáýirde G. Nızamıdiń «Láıli - Májnún» poemasy, 28 sáýirde O. Janaıdarovtyń «Jut» spektakli usynylady.
«Qazaqstan» OKZ: 25 sáýirde Qurmash Mahanovtyń «Ómirimniń kóktemi» atty kontsertin, 27 cáýirde «Máńgilik máseleler ...» shoýyn, 28 sáýirde «24 chasa do mechty» qaıyrymdylyq kıno-kontsertin tamashalaýǵa bolady.
«Barys» SK: 22-28 sáýirde 2006 jyly týǵan balalar men jasóspirimder arasynda shaıbaly hokkeıden QR Chempıonatynyń ІV kezeńi ótedi.
«Barys Arena»: 25 sáýirde shaıbaly hokkeıden Qazaqstan jáne Belarýs ulttyq komandalary arasynda, 26 sáýirde Qazaqstan jáne Ońtústik Koreıa ulttyq komandalary arasynda joldastyq matchtar ótedi.
«Nomad city hall» kontserttik zaly: 26 jáne 27 sáýirde Ý. Shekspırdiń «Rıchard ІІІ» tragedııasy sahnalanady.
«Alaý» Muz aıdyny: 23, 24 sáýirde Nur-Sultan qalasy ákimdiginiń short-trekten «Alaý» muz saraıynyń ashyq birinshiligi ótedi.
«Saryarqa» velotregi: 23, 24 sáýirde basketboldan 2018-2019 jj. maýsymdaǵy QR ulttyq chempıonatynyń aıasynda «Astana» PBK - «Tobyl» BK kezdesedi.
