Elordada apta ishinde qandaı mádenı-sporttyq sharalar ótedi
NUR-SULTAN. QazAqparat - «QazAqparat» Halyqaralyq aqparat agenttigi Nur-Sultan qalasy ákimdigine silteme jasaı otyryp, osy aptada ótetin mádenı jáne sporttyq sharalar josparyn usynady.
«Jastar» saraıy
27 mamyrda saǵat 19:00-de «Radýga» qazirgi jáne estradalyq bı stýdııasynyń jáne «Vremıa» bı teatrynyń «Radýga vremenı!» atty eseptik kontserti ótedi.
1 maýsymda saǵat 12:00-de Nur-Sultan qalasy ákiminiń kýbogy úshin «Barlyq balalar án aıtady!» sharasy uıymdastyrylady.
2 maýsymda saǵat 12:00-de qala ákiminiń kýbogyna «Barlyǵy án aıtady!» chempıonatynyń birinshi irikteý týry ótedi.
«Astana Opera» Memlekettik opera jáne balet teatry
28 mamyrda saǵat 19:00-de «Melodía de la pasión» («Qushtarlyq áýeni») kontsertin tamashalaýǵa bolady.
«Astana» kontsert zaly
27 mamyrda saǵat 19:00-de halyq ártisi, mádenıet qaıratkeri, ánshi, kompozıtor Ǵ. Qurmanǵalıevtiń 110 jyldyǵyna arnalǵan kontsertti kórýge bolady.
31 mamyrda saǵat 19:00-de Qazaq orkestriniń «Aljır analarǵa taǵzym» atty mýzykalyq teatrlandyrylǵan qoıylymy usynylady.
1 maýsymda saǵat 17:00-de Halyqaralyq balalardy qorǵaý kúnine arnalǵan «Bala tilegi» merekelik kontserti ótedi.
2 maýsymda saǵat 19:00-de Sımfonııalyq orkestrdiń «Lýchshaıa mýzyka Disney ı DreamWorks» balalarǵa arnalǵan kontserti bastalady.
Q. Qýanyshbaev atyndaǵy Memlekettik akademııalyq qazaq mýzykalyq drama teatry
30 mamyrda saǵat 10:00-de T. Temenovtiń «Yryldaq qúshik» ertegisi qoıylady.
«Jastar» teatry
28 mamyrda saǵat 19:00-de E. Ýahıtovtiń «Qudalar» komedııasyn tamashalaýǵa bolady.
Beıbitshilik jáne kelisim saraıy
31 mamyrda saǵat 18:30-da jáne 1, 2 maýsymda saǵat 17:00-de «Jas qanat» respýblıkalyq telefestıvali ótedi.
«Han Shatyr» SOSO
30 mamyr men 2 maýsym aralyǵynda saǵat 10:00-22:00-de - «Nur-Sultan Ethno Fest» Álem halyqtarynyń etnomádenı festıvali ótedi.
31 mamyr men 2 maýsym aralyǵynda saǵat 10:00-de jamby atýdan «Altyn jebe» І Álem chempıonaty ótkiziledi.
«Astana Arena» stadıony
31 mamyrda saǵat 14:00-de Birinshi lıga komandalary arasyndaǵy fýtboldan QR Birinshiligi aıasynda «Astana M» - «Altaı» komandalarynyń oıyny ótedi.
31 mamyrda saǵat 19:00-de - Premer-Lıga klýbtary arasyndaǵy fýtboldan QR Chempıonaty aıasyndaǵy «Astana» FK - «Jetisý» FK oıynyn tamashalaýǵa bolady.
«ALJIR» memorıaldyq kesheniniń aýmaǵy
31 mamyrda saǵat 10:00-de saıası qýǵyn-súrgin men totalıtarızm qurbandaryna arnalǵan memorıalǵa gúl qoıý rásimi ótedi.
«1932-1933 jyldardaǵy asharshylyq qurbandaryna taǵzym» monýmenti (Abaı dańǵyly men Respýblıka dańǵylynyń qıylysy)
31 mamyrda saǵat 15:00-de «1932-1933 jyldardaǵy asharshylyq qurbandaryna taǵzym» monýmentine gúl qoıý rásimi ótedi.
Q. Munaıtpasov atyndaǵy ortalyq stadıon
1 maýsymda saǵat 9:00-de Halyqaralyq balalardy qorǵaý kúnine arnalǵan jeńil atletıkadan Nur-Sultan qalasynyń chempıonaty bastalady.
1 maýsymda saǵat 11:00-de - Balalardy qorǵaý kúnine arnalǵan mektepke deıingi balalar arasynda velomarafon ótedi.
«Qazaq eli» alańy
1 maýsymda saǵat 10:00-de balalar men jasóspirimderdiń mýzykalyq orkestrleri men ansamblderiniń sherýi ótkiziledi.
«Astanalyq» saıabaǵy
1 maýsymda saǵat 10:30-da gir kóterýden Nur-Sultan qalasynyń Chempıonaty uıymdastyrylady.
2 maýsymda saǵat 8:00-de «Run 24-1» júgiris saıysyn tamashalaýǵa bolady.
«Alataý» SK
1, 2 maýsymda saǵat 11:00-de paýerlıftıngten erler jáne áıelder arasyndaǵy Nur-Sultan qalasynyń ashyq chempıonaty ótedi.
