Elordada apattyq jaǵdaıdaǵy úıdiń ıesine qandaı páter berilýi kerek
Nur-Sultan qalasynyń turǵyn úı jáne turǵyn úı ınspektsııasy basqarmasynyń mamandary redaktsııa joldaǵan saýalǵa osylaı dep jaýap berdi.
«Jobanyń sharttaryna sáıkes, apatty úılerdiń menshik ıelerine buzylatyn turǵyn úıdiń bólmeleriniń sanyna jáne otbasy músheleriniń sanyna (biraq bir bólmeli páterden kem emes) baılanystyrmaı, buzylatyn apattyq turǵyn úıdiń ornyna aýdany boıynsha teń mólsherdegi jańa páterler beriledi», - delingen jaýapta.
Basqarma mamandary súrilgen nysan turǵyn úı bolmasa onyń shyǵyny aqshalaı da qaıtarylýy múmkin eskertedi.
«Turǵyn emes úı-jaılardyń menshik ıelerine menshik ıesiniń qalaýy boıynsha múliktiń naryqtyq quny boıynsha aqshalaı ótemaqy nemese aýdany boıynsha kólemi birdeı turǵyn emes úı-jaılar beriledi», - deıdi ákimdik ókilderi.
