Elordada antıseptık ázirlep, ony zańsyz satyp kelgen tseh tabyldy
22 naýryzda qala prokýratýrasy jáne polıtsııa departamenti qyzmetkerlerinen turatyn birlesken mobıldi top jalpy mólsheri - 900 lıtr, árqaısysy 5 lıtrlik 180 dana plastıkalyq ydysqa quıylǵan medıtsınalyq preparat - «antıseptıkti» zańsyz satý faktisin anyqtady.
«Satý ornyn, ıaǵnı turǵyn úıdi qaraý barysynda kishigirim tseh anyqtalyp, ol jerde 1966 jyly týǵan A.M. jáne 1998 jyly týǵan A.H. atty azamattardyń antıseptık jasaý maqsatynda konteınerde 9 tonna spırttik suıyqtyqty zańsyz saqtaǵany aıqyndaldy. Zańsyz jasalǵan jáne satýǵa arnalǵan ónimniń jalpy somasy - 27 mln teńge» delingen habarlamada.
Medıtsınalyq preparattardy satý jáne etıl spırtin aınalymǵa shyǵarý lıtsenzııalyq qyzmet túrine jatady, sondyqtan QR QK 214-babynyń 1-bóligimen sotqa deıingi tergeý bastaldy.
Shuǵyl tergeý áreketterinen soń qylmystyq is Nur-Sultan qalasy boıynsha ekonomıkalyq tergeý departamentine joldandy.
