Elordada «Antikor ortalygy» ashyldy
«Búgingi tańda Nur-Sultan qalasy boıynsha departament elimizdegi quqyq qorǵaý qyzmetteriniń ishindegi eń alǵashqysy bolyp tolyǵymen «Open space» formatyna kóshken organ. Eń mańyzdysy, departamenttiń jeke quramy (ákimshilik memlekettik qyzmetshiler men jedel-tergeý quramy) tolyqtaı áınek kabınetterge kóshken», delingen habarlamada.
Jumystyń jańa formatynyń tanystyrylymyna Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen elorda ákimi Altaı Kólginov sondaı-aq, elimizdegi birqatar dıplomatııalyq mıssııa ókilderi, halyqaralyq uıymdardyń ókilderi, QR Parlamenti Májilisiniń jáne qalalyq máslıhattyń depýtattary, BAQ ókilderi qatysty.
Shara barysynda servıstik ortalyqtyń ǵımaraty, arnaıy konsýltatsııaly-keńes berý bólmeleri, «Astana – adaldyq alańy» jobalyq keńsesiniń bólmesi, baspasóz ortalyǵy kórsetildi.
«Antikor ortalygy» azamattardyń ár suraǵyna jaıly jerde jedel ári tııanaqty jaýap alatyn ortalyǵyna aınalmaq. Búgingi tańda Qazaqstanda 5 servıs ortalyǵy ashyldy, olar ashyqtyq pen servıstiń vedomstvolyq saıasatyn kórsetedi», – dedi Alık Shpekbaev.
Jergilikti Antıkor qyzmetiniń taǵy bir ereksheligi – jańa formattaǵy jaýap alýǵa arnalǵan bólme.
Bólme aldyńǵy qatarly halyqaralyq tájirıbeni eskere otyryp jabdyqtalǵan (Gonkongtyń sybaılas jemqorlyqqa qarsy is-qımyl jónindegi Táýelsiz komıssııasynyń jaýap alýǵa arnalǵan úı-jaı úlgisi boıynsha).
