Elordada «Analar amanaty» kórmesi ashylady
NUR-SULTAN. QazAqparat - 29 naýryzda saǵat 10.00-de Nur-Sultan qalasynyń Dostyq úıinde «Analar amanaty» kórmesiniń saltanatty ashylýy ótedi, dep habarlaıdy qalalyq ishki saıasat basqarmasy.
Kórmeniń ashylýyna Qazaqstan Respýblıkasy Parlamentiniń depýtattary, Qazaqstan halqy assambleıasynyń músheleri, qoǵam qaıratkerleri, shyǵarmashylyq jáne ǵylym ıntellıgentsııasynyń ókilderi, «Jańǵyrý joly» respýblıkalyq jastar qozǵalysynyń belsendileri, astanalyq turǵyndar men qonaqtar qatysady.
Naýryzdyń 28-30 aralyǵynda «Analar amanaty» kórmesiniń ashylýyna oraı dástúrli qolóner shyǵarmashylyǵy boıynsha tegin master-klastar júrgiziledi.
Atalǵan is-sharanyń maqsaty Qazaqstan halqynyń mádenıeti men dástúriniń qundylyqtaryn, patrıottyq tárbıe jáne áleýmettik jaýapkershiligin jańǵyrtý men nasıhattaý. Dostyq úıiniń kórmesi aımaǵynda taqyryptyq kórmeler - "Kilem - álem joly", " Qazaqstan halqynyń ejelgi qolóneri", "Turǵyn úı jabdyǵy", "Etnostardyń ulttyq kıimi", sondaı-aq qazaq halqy qolóneriniń basqa da ekspozıtsııalaryn qurý josparlanǵan.
Qazaqstan halqynyń mádenı dástúri men qolónerin jańǵyrtý Qazaqstan etnostarynyń ejelgi, joıylyp bara jatqan qolóneriniń - óndiris aspaptary men kórkemóner buıymdaryn jınaqtaý boıynsha murajaı qoryn qurý, sondaı-aq oqytý sheberhanalary negizinde áleýmettik kásipkerliktiń damýyna jáne jumyssyz ári kópbalaly áıelderdi qosymsha jumys oryndarymen qamtamasyz etýge múmkindik beredi.
